शिव सेना नेपालका अध्यक्ष अनिल बस्नेत पक्राउ, कारण तीनकुने प्रकरण

काठमाडौं– राजावादी संगठन शिव सेना नेपालका अध्यक्ष अनिल बस्नेत बाबालाई प्रहरीले पक्राउ गरेको छ।

काठमाडौंको सुकेधाराबाट बस्नेतलाई पक्राउ गरिएको हो। 

‘तीनकुने घटनामा पक्राउ पूर्जी जारी भएका अनिल बस्नेतलाई पक्राउ गरिएको छ’, जिल्ला प्रहरी परिसर काठमाडौंका प्रवक्ता प्रहरी उपरिक्षक (एसपी) अपिलराज बोहोराले क्यानडानेपालसँग भने,‘उहाँ के मा आवद्ध भन्नेचाहिँ थाहा भएन, पक्राउ पूर्जीअनुसार नै काम गरेका हौं।’

गत बर्षका चैत १५ गते काठमाडौंको तीनकुनेमा राजावादी आन्दोलनका क्रममा शिव सेना नेपालको पनि सहभागीता रहेको थियो। 

शिव सेना नेपाल ज्ञानेन्द्र शाहको सार्वजनिक कार्यक्रममा पहिलो सुरक्षा घेरामा बस्ने गर्दछ। उसले हिन्दूत्वको प्रबद्र्धन गर्दै गणतन्त्रको बिरोधमा सुसुप्त ढङ्गले कार्यक्रम गर्दै आइरहेको छ।