भारत र बेलायतबीच स्वतन्त्र व्यापार सम्झौता, मोदीले बताए ऐतिहासिक

काठमाडौँ -भारत र बेलायत मंगलबार स्वतन्त्र व्यापार सम्झौतामा सहमत भएका छन्।

यसपछि, दुवै देशले एक व्यापक व्यापार सम्झौताको घोषणा गरेका छन्, जसले धेरैजसो वस्तु र सेवाहरूमा लगाइएको भन्सार हटाउने व्यवस्था गरेको छ ।

यो कदमले भारत र अमेरिका लगायत अन्य देशहरू बीच पनि यस्तै सम्झौताहरूको लागि मार्ग प्रशस्त गर्न सक्ने बताइएको छ ।

प्रधानमन्त्री नरेन्द्र मोदीले सामाजिक सञ्जालमा पोस्ट गर्दै यो सम्झौतालाई ऐतिहासिक उपलब्धि भनेका छन् । प्रधानमन्त्री मोदीले यसले दुई देशबीचको रणनीतिक साझेदारीलाई अझ बलियो बनाउने बताए ।

उनले लेखेका छन्- 'मेरो साथी प्रधानमन्त्री केयर स्टारमरसँग कुरा गर्न पाउँदा खुशी लाग्यो । भारत र बेलायतले एक ऐतिहासिक कदममा बलियो र लाभदायक स्वतन्त्र व्यापार सम्झौता र दोहोरो योगदान सम्झौता पूरा गरेका छन् । यो ऐतिहासिक सम्झौताले हाम्रो राजनीतिक सम्बन्धलाई अझ बलियो बनाउनेछ र दुवै देशलाई व्यापार, लगानी, वृद्धि, रोजगारी र नवीनता बढाउन मद्दत गर्नेछ । म प्रधानमन्त्री स्टारमरलाई चाँडै भारतमा स्वागत गर्न तत्पर छु ।'