त्रिविले स्वीकार गर्यो उत्तरपुस्तिकाको पोकै हराएको

काठमाडौं - त्रिभुवन विश्वविद्यालयले स्नातक तह प्रथम वर्षको  उत्तरपुस्तिकाको पोकै हराएकोमा  स्वीकार गरेको छ ।
केहि समय अगाडि हराएको स्नातक तह प्रथम वर्षको दुई विषयहरुको उत्तरपुस्तिको विषयमा त्रिविले औपचारिकरुपमा स्वीकार गरेको हो । 

बिहीबार त्रिविले विज्ञप्ति जारी गर्दै उच्चस्तरीय छानबिन समिति गठन गरेको जनाएको छ। ३ सदस्यीय समितिको संयोजक पूर्वरजिष्ट्रार प्रा.डा. चन्द्रमणि पौडेल छन् ।समितिलाई आगामी ३० दिनभित्र प्रतिवेदन पेश गर्न त्रिविले भनेको छ ।

मानविकी तथा सामाजिक शास्त्रअन्तर्गतको जनसंख्या तथा स्वास्थ्यतर्फको विषय (कोड नं. ४१२) र शिक्षा शास्त्रतर्फको शिक्षाको आधार विषय (कोड नं. ४१२) विषयको उत्तरपुस्तिकाको पोकै हराएको थियो ।

त्यस्तै, त्रिविले उत्तरपुस्तिका हराएका दुवै विषयका परीक्षा पनि त्रिविले यही चैत २१ गतेदेखि गराउने भएको छ ।