टोरन्टो विमानस्थलबाट सुन र बहुमूल्य सामान चोरी
टोरन्टो– टोरन्टो पियर्सन अन्तरराष्ट्रिय विमानस्थलबाट करोडौँको सुन चोरी भएको छ ।
सुन र बहुमूल्य वस्तु राखिएको कार्गो कन्टेनरबाट सुन र अन्य सामग्री चोरिएको अधिकारीहरूले बताएका छन् ।
कार्गो कन्टेनरबाट दुई करोड क्यानेडियन डलर बराबरको सुनका साथै अन्य बहुमूल्य सामग्री चोरी भएको पुष्टि गर्दै प्रहरीले अनुसन्धान थालेको बताएको छ ।
गत सोमबार साँझ विमानबाट मालसामान उतारेपछि कार्गो गरिएको बहुमूल्य वस्तु हराएका क्षेत्रीय प्रहरी निरीक्षक स्टेफिन डुवेस्टेनले बताएका छन् । उनले अनुसन्धान थालिएको बताउँदै दोषीलाई चाँडै कानुनको दायरमा ल्याउने प्रतिबद्धता व्यक्त गरेका छन् । यद्यपि अहिलेसम्म कसैलाई पक्राउ गरिएको छैन ।
कार्गो गरेर सुन ढुवानी गर्ने विमानको उद्गमस्थल तथा उक्त कार्गोको अन्तिम गन्तव्यबारे केही खुलाइएको छैन । क्यानडमा चोरीका यस्ता घटना विरलै हुनेगरेका छन् ।
पाकिस्तानी प्रधानमन्त्री शरीफको युट्युब च्यानल र इन्स्टाग्राम एकाउन्ट भारतमा ब्लक
दिल्लीमा भिषण वर्षा, घर भत्किदा चार जनाको मृत्यु
ट्रम्पको करका कारण एप्पललाई तीन महिनामा ९०० मिलियन डलर नोक्सानी
‘फास्ट बलर’ पाकिस्तानी सैन्य प्रमुख मुनिर यसअघि गुप्तचर आईएसआईका प्रमुख थिए
टेस्लाले भन्यो : इलन मस्कलाई प्रमुख कार्यकारी अधिकृतबाट हटाउने खबर झुटो हो
अमेरिकी राष्ट्रिय सुरक्षा सल्लाहकार वाल्ट्जलाई हटाइयो
झण्डै १०० वर्षपछि जातिको जनगणना गर्दै भारत
