स्रोत नखुलेको साढे १७ लाख भारूसहित २ युवक पक्राउ
धनगढी– स्रोत नखुलेको साढे १७ लाख भारतीय रुपैयाँसहित धनगढीबाट दुई युवक पक्राउ परेका छन् ।
सशस्त्र प्रहरीको केन्द्रीय ब्युरोको सूचनाका आधारमा सशस्त्र प्रहरी बल नेपाल नम्बर ३४ गण कैलालीबाट खटिएको टोलीले धनगढीको अस्पताल रोड नजिकैबाट १७ लाख ६६ हजार ६७० भारतीय रुपैयाँसहित उनीहरूलाई पक्राउ गरेको हो ।
पक्राउ पर्नेमा धनगढी उपमहानगरपालिका–१ बस्ने १७ वर्षीय विवेक चन्द र १८ वर्षीय सरोज धामी रहेको सशस्त्र प्रहरी बल नेपाल नम्बर ३४ गणका सशस्त्र प्रहरी नायब उपरीक्षक (डीएसपी) देवराज जोशीले जानकारी दिए ।
उनका अनुसार पशुपति टोल बस्दै आएका उनीहरू दुवै जनालाई स्रोत नखुलेको उक्त रकमसहित शनिबार बिहान करिब साढे ५ बजेतिर साइकलमा धनगढी चौराहतर्फ लैजाँदै गरेको अवस्थामा बरामद गरिएको हो ।
बरामद गरिएको रकमसहित उनीहरूलाई राजश्व अनुसन्धान कार्यालय कोहलपुरमा बुझाइने सशस्त्र प्रहरीले जनाएको छ ।
‘लिभिङ टुगेदर’को साइड इफेक्टः मन मिले चमत्कार, नत्र बलात्कार! कथा अचम्मका छन्
पाँच श्रेणीमा हुँदा रहेछन् सोसियल मिडिया इन्फ्लुएन्सर, सानोलाई भनिन्छ ‘नानो’
एकैपटक रक्सी छाडे यस्ता समस्या देखा पर्छन्, यी हुन् बुझ्नैपर्ने कुराहरु
एज इज जस्ट नम्बर, रबिना
आउँदो मनसुन अनि सम्भावित महामारीको जोखिम
केकको स्वादमा हराइरहेको हाम्रो आफ्नो संस्कृति
SEE परीक्षाको समयमा अभिभावकको भूमिका : विद्यार्थीलाई कसरी साथ दिने?
