इटाली विश्वकपमा छनोट हुन असफल
काठमाडौँ - विश्वकप छनोटमा युरोकप विजेता इटालीलाई नर्थ म्यासेडोनियाले पराजित गरेको छ ।
यो पराजयसँगै इटालीले २०२२ को कतार विश्वकप फुटबल गुमाउने भएको छ ।
बिहीबार राति प्ले अफ खेलमा नर्थ म्यासेडोनियासँग १-० ले पराजित भएपछि इटालीको विश्वकपमा पुग्ने यात्रा सकिएको हो ।
इटालीमा भएको खेलमा नर्थ म्यासेडोनियालाई जित दिलाउन एलेकसान्डर ट्राज्कोभास्कीले इन्जुरी समयमा निर्णायक गोल गरे ।
इटाली लगातार दोस्रो पटक विश्वकपमा छनोट हुन असफल भएको हो ।
इटाली युरोपियन छनोटबाट सिधै विश्वकपमा पुग्न असफल भएको थियो । जसको कारण प्ले अफ खेलेको हो ।
अब नर्थ म्यासेडोनियाले पोर्चुगलविरुद्ध प्रतिस्पर्धा गर्नेछ ।
प्रकाशित मिति: बुधबार, मंसिर ७, २०७९ १७:४८
प्रतिक्रिया दिनुहोस्