सप्तरीमा प्रहरीको गोली लागेका लालुको मृत्यु भयो साँझ, कार्यालय अगाडि बिरोधमा टायर जलाइयो आज

राजविराज– जिल्ला प्रहरी कार्यालय सप्तरी अगाडि बिरोधमा टायर जलाइएको छ। बिरोधमा टायर जलाइनुको कारण मदीरा नियन्त्रणका क्रममा प्रहरीले मंगलबार साँझ चलाएको गोली लागेका लालु यादवको मृत्यु हुनु हो।

बुधबार स्थानीयहरू कार्यालय अगाडि प्रदर्शन गर्न भेला भएका थिए। नेपाल–भारत सीमावर्ती क्षेत्र राजगढ गाउँपालिका–२ कमलपुरमा अवैध घरेलु मदिरा नियन्त्रण गर्न खटिएको टोलीले गोली चलाएको थियो।

प्रहरीको गोली लागेर ३५ वर्षीय लालु यादवको मृत्यु भएको हो। उनको तिघ्रामा गोली लागेको थियो। अस्पताल लग्दै गर्दा रक्तश्राव भएपछि उनको मृत्यु भएको थियो।

मदिरा नियन्त्रणमा लिन प्रहरी निरीक्षकको कमाण्डमा १० जनाको टोली खटिएको थियो। प्रहरीमाथि नै आक्रमण गरिएपछि आत्मरक्षाका लागि प्रहरीले तिघ्रामा गोली हानेको थियो। प्रहरी पुगेपछि त्यहाँ झन्डै सय जना मानिसहरूले प्रहरीमाथि ढुंगामुढा गरेका थिए।

मदिरा नियन्त्रणमा नलिने तर आफूहरूलाई जान दिन भनेपनि नमानेको अवस्थामा सुरूमा हवाइफायर गरेको प्रहरीमाथि आक्रमण भएपछि तिघ्रामा गोली चलाइएको थियो।

घटनापछि प्रहरीकै गाडीमा राखेर अस्पताल लगिएको थियो। तर विभिन्न अड्चन आएकाले समस्या भएकाले पनि ढिला भएको हुनसक्ने उनले बताए।