नेपालका धनी गभर्नर

काठमाडौं। गभर्नर डा. विश्वनाथ पौडेलले आफ्नो र पत्नीका नाममा रहेको सम्पत्ति विवरण सार्वजनिक गरेका छन्। गभर्नर नियुक्त भएपछि सम्पत्ति विवरण सार्वजनिक गर्नुपर्छ।

अघिल्ला गभर्नरहरुको जग्गाजमिनतर्फ धेरै लगानी रहेकामा पौडेलको भने सूचिकृत कम्पनीहरुको सेयरमा धेरै लगानी देखिन्छ। उनले आफू र पत्नी प्रतिभा शर्मा दुबैको नाममा सेयर लगानी गरेका छन्।

ललितपुर महानगरपालिका वडा नम्बर ४ भैसेंपाटी मा प्रतिभाको नाममा घरजग्गा छ। ५ आना २ दामको जग्गामा २७९५ वर्गफिटको घर छ। १ करोड ५५ लाख रुपैयाँमा खरीद गरेको गभर्नरले जनाएका छन्। यो सम्पत्तिको स्रोत पैत्रृक र स्वआर्जन भनिएको छ।

अर्को घरजग्गा नवलपरासीको गैंडाकोटमा छ। त्यहाँको मूल्य ६० लाख उल्लेख गरिएको छ।

गभर्नर पौडेलसँग सुनका गहना ४५ तोला छ भने हिरा करिब १५ लाख रुपैयाँ बराबरको छ। सुन पैतृक आर्जन तथा हिरा स्वआर्जन रहेको उल्लेख गरिएको छ।

पौडेलले आफ्नो र पत्नीका नाममा २० लाख ६८ हजार रुपैयाँ बैंकमा बचत देखाएका छन्। उनले सानिमा, नेपाल इन्भेष्टमेन्ट मेगा र प्रभु बैंकमा बचत गरेका छन्। यसबाहेक डलर खाता पनि छ। उनको नामको डलर खातामा ६६ अमेरिकी डलर छ। उनले पत्नीको खातामा ४४ सय ४६ अमेरिकी डलर रहेको उल्लेख गरेका छन्। आजको दर अनुसार यो भनेको ६ लाख २२ हजार रुपैयाँ हाराहारी हो।

गभर्नरकी पत्नीका नाममा ४४ लाख रुपैयाँमा खरिद गरेको सुजुकी कार छ। पौडेलले २०७७ भदौमा यो गाडी किनेका हुन्।

आफ्नो र पत्नीको नाममा १४ करोड रुपैयाँभन्दा बढीको सेयर रहेको पौडेलले सम्पत्ति विवरणमा उल्लेख गरेका छन्। गभर्नर पौडेलको जलविद्युत कम्पनी र लगानी कम्पनीहरुमा सेयर छ।

गभर्नर पौडेलसँग सुनका गहना ४५ तोला छ भने हिरा करिब १५ लाख रुपैयाँ बराबरको छ। सुन पैतृक आर्जन तथा हिरा स्वआर्जन रहेको उल्लेख गरिएको छ।

पौडेलले आफ्नो र पत्नीका नाममा २० लाख ६८ हजार रुपैयाँ बैंकमा बचत देखाएका छन्। उनले सानिमा, नेपाल इन्भेष्टमेन्ट मेगा र प्रभु बैंकमा बचत गरेका छन्। यसबाहेक डलर खाता पनि छ। उनको नामको डलर खातामा ६६ अमेरिकी डलर छ। उनले पत्नीको खातामा ४४ सय ४६ अमेरिकी डलर रहेको उल्लेख गरेका छन्। आजको दर अनुसार यो भनेको ६ लाख २२ हजार रुपैयाँ हाराहारी हो।

गभर्नरकी पत्नीका नाममा ४४ लाख रुपैयाँमा खरिद गरेको सुजुकी कार छ। पौडेलले २०७७ भदौमा यो गाडी किनेका हुन्।

आफ्नो र पत्नीको नाममा १४ करोड रुपैयाँभन्दा बढीको सेयर रहेको पौडेलले सम्पत्ति विवरणमा उल्लेख गरेका छन्। गभर्नर पौडेलको जलविद्युत कम्पनी र लगानी कम्पनीहरुमा सेयर छ।

सानिमा बैंकमा प्रवर्धक सेयर छ। उनीसँग २ लाख ४४ हजार १७६ कित्ता सेयर छ। उनी यही सेयरका कारण केही वर्षअघि सानिमा बैंकको सञ्चालक पनि भएका थिए। उनका अनुसार, यो सेयरको मूल्य २ करोड ४४ लाख १७ हजार ६०० रुपैयाँ छ।