जनार्दन शर्माले भने- गम्भीर प्रश्न उठेको छ, अवरोध र विरोधलाई बेवास्ता गर्दै सदन चलाउनु दु:खद्

काठमाडौँ- नेकपा माओवादी केन्द्रका उपमहासचिव जनार्दन शर्माले संसदमा उठेको गम्भीर प्रश्नको समाधान नगरी सदन चलाएकोप्रति दु:ख व्यक्त गरेका छन्।

प्रतिनिधि सभाको बैठकमा बोल्दै अवरोध र विरोधका बीचमा सदन चलाउन नहुने बताए ।

रास्वपा र राप्रपाले भिजिट भिसा प्रकरणमा गृहमन्त्रीको राजीनामा र छानबिनको माग गर्दै निरन्तर सदन अवरोध गर्दै आइरहेको छ।

रास्वपाको वेल घेराउबीच सदन सभामुखले चलाएपछि शर्माले भने, सदनमा गम्भीर प्रश्न उठेको छ, अवरोध र विरोधको बीचमा त्यसको बेवास्ता गर्दै सदन चलाउनु दुखद हो। समस्याको समाधान गर्न किन सक्दैनौँ ? नेतृत्वको काम भनेकै समस्याको समाधान गर्नु हो।

उनले सरकारले समस्याको समाधान गर्नेतिर चासो र चिन्ता नदेखाएको आरोप लगाए। यस्तो संस्कार र संस्कृति बसाल्न नहुने भन्दै तत्काल समाधान खोज्न माग गरेका छन्।