नेपालका सबै राजनीतिक नेताबारे टिप्पणी गरेका भारतीय पूर्वराजदूत राय बालेनबारे के भन्छन्?

काठमाडौं– नेपालका लागि भारतका पूर्वराजदूत रणजित रायले काठमाडौं महानगरपालिकाका मेयर बालेन शाहबारे टिप्पणी गरेका छन्।

एक टेलिभिजन अन्तरवार्ताका क्रममा नेपालको राजनीतिक नेताको सन्दर्भलाई लिएर टिप्पणी गर्ने क्रममा मेयर शाहका बारेमा पनि रायको धारणा प्रकट भएको हो।

उनले अहिलेको युवा पुस्ताका लोकप्रिय मात्र होइन, सम्भवतः हालसम्म नेपालकै अति लोकप्रिय राजनेता नै रहेको टिप्पणी गरेका छन्।

‘बालेन साह जो काठमाडौँका मेयर छन्, उनी ¥यापर हुन्,’ रेले अन्तर्वार्तामा भनेका छन्, ‘सम्भवतस् आजको मितिसम्म उनी नेपालकै लोकप्रिय राजनेताको रूपमा छन्।’  

उनले नेपालका पुराना पुस्ताका नेताले युवा पिढीलाई निराश बनाएको बताउँदै यस्तो निराशाजनक अवस्थामा बालेन साह जस्ता केहीलाई युवाहरूले आशाको नजरले हेरेको उनको भनाई छ।

राय नेपालको महत्वपूर्ण राजनीतिक घटनाक्रममा नेपालमा रहेका भारतीय कुटनीतिज्ञ थिए। उनी नेपालमा संविधान जारी भएको २०७२ सालमा राजदूतका रुपमा कार्यरत थिए। 

सोही समयमा संविधान जारी हुँदा भारतले नोट समेत नगरेको विषय र नाकाबन्दी गरेका कारण रायको बिरोध समेत भएको थियो। त्यस्तो जटिल अवस्थामा काम गरेका रायले पछि नेपाल भारत सम्बन्ध र राजनीतिक नेताका विषयमा टिप्पणी गरेर पुस्तक प्रकाशन गरेका थिए। उनले ‘काठमाडौं डिलेमा रिसेट नेपाल इन्डिया टाइज’ नामको पुस्तकमा नेपालका प्रायः नेताबारे टिप्पणी गरिसकेका छन्।