सिन्धुपाल्चोकका ३ ठाउँमा पहिरो, अरनिको राजमार्ग पूर्णरुपमा बन्द
काठमाडौं । सिन्धुपाल्चोकमा पहिरो र बाढीका कारण अरनिको राजमार्ग पूर्णरुपमा अवरुद्ध भएको छ ।
सोमबार रातिको वर्षाका कारण भोटेकोशी गाउँपालिकाका तीन ठाउँमा पहिरो जाँदा राजमार्ग पूर्ण रुपमा बन्द भएको प्रहरीले जनाएको छ ।
गाउँपालिकाको वडानम्बर २ को कोदारी, ३ को लार्चा र २ कै कोप्लाङमा पहिरो गएको छ । खोलाहरूमा बाढी आएको छ । पहिरो पन्छाउने काम जारी रहेकोले राजमार्ग पूर्ण रुपमै बन्द भएको छ ।
सडक बन्द भएपछि यात्रु मर्कामा परेका छन् । सवारीसाधन सडकमै लाइन लागेका छन् ।
सोमबारदेखि आएको वर्षाका कारण देशका अन्य मुख्य सडकहरु पनि अवरुद्ध भएका छन् । ललितपुरस्थित कान्तिलोकपथ, पूर्वपश्चिम राजमार्गअन्तर्गत बिनयी खोला र गुल्मीस्थित कालिगण्डकी करिडोर पनि अवरुद्ध भएको छ ।
धनकुटाको रवि राके भेडेटार सडक र जुम्लाको जुम्ला-मुगु सडक एकतर्फीमात्रै सञ्चालनमा आएका छन् ।
सडक विभागका अनुसार सबैतिरका सडक खुलाउने प्रयास जारी छ ।
अनौपचारिक क्षेत्रका श्रमिकको न्यूनतम पारिश्रमिक वैज्ञानिक तवरले पुनरावलोकन गर्ने तयारी
छोरी बुहारीलाई उच्च शिक्षामा छात्रवृत्ति दिँदै सूर्योदय नगरपालिका
एसइई नतिजा असार तेस्रो साता आउने
वर्षाले विभिन्न राजमार्गका ६ स्थानमा सडक अवरुद्ध
काठमाडौँ नजिकको साहसिक गन्तव्य ‘वनजङ्गल एडभेञ्चर’
जुम्लामा ट्रयाक्टर दुर्घटना हुँदा एक जनाको मृत्यु, चार घाइते
धरान उपमहानगरपालिकाका उपमेयरमाथि हर्क साम्पाङले कुटपिटको योजना बनाए, उपमेयर बेघाको बयान
