सांसद सरोज सिंहको घरमा अख्तियारको छापा, स्वकीय सचिव पक्राउ
जनकपुरधाम- अख्तियार दुरुपयोग अनुसन्धान आयोगले जनता समाजवादी पार्टी (जसपा) नेपालका मधेश प्रदेश सांसद सरोजसिंह कुशवाहाको घरमा छापा मारेको छ ।
महोत्तरी क्षेत्र नम्बर-४ (ख) बाट निर्वाचित सांसद कुशवाहाको घरमा छापामारी गर्ने क्रममा उनका स्वकीय सचिव विनोदकुमारलाल कायस्थलाई पनि अख्तियारले नियन्त्रणमा लिएको छ ।
उनको घरबाट विभिन्न योजनाका कागजातहरू समेत नियन्त्रणमा लिएको अख्तियार स्रोतले जनाएको छ ।
उनका स्वकीय सचिव पक्राउ परे पनि प्रदेश सांसद कुशवाहा भने सम्पर्कविहीन रहेको अख्तियार स्रोतको भनाइ छ ।
मधेश प्रदेश सरकारबाट प्रदेश सांसद कुशवाहाको भागमा परेको योजनाहरू बिक्री गरेको भने गोप्य सूचनाको आधारमा अख्तियारबाट खटेका टोलीले घरमा छापामारेको जनाएको छ ।
कुशवाहा महोत्तरी क्षेत्र नम्बर ४ (ख) बाट दोस्रो पटक निर्वाचित सांसद हुन् । उनी मधेश प्रदेश सरकारका पूर्वआन्तरिक मामिला तथा कानुन राज्यमन्त्री समेत हुन् ।
-1746084822.jpg)
राजावादी आन्दोलनमा सुरक्षाकर्मीलाई गोली हान्नेसम्मको अधिकार
बुटवलमा दुई सन्तानसहित पूर्वपतिद्वारा युवती हत्या प्रकरणको अनौठो पाटो र प्रश्न
बुटवलमा डिभोर्स गरेर अन्तै बिहे गरेकी पूर्वपत्नीसहित तीन जनाको हत्या, हेम्बर र चक्कुको प्रयोग
भारतीय सेनाका २२ जना सगरमाथा शिखरमा
ओलीविरुद्ध उजुरी दिएका राप्रपा केन्द्रीय सदस्य पक्राउ, रातभरी राखियो अनि छाडियो
१२ किलो चाँदीसहित एक जना पक्राउ
