गिल बने भारतको नयाँ टेस्ट कप्तान, इङल्याण्डविरुद्ध खेल्ने टिमको घोषणा

काठमाडौँ - भारतले इङल्याण्डविरुद्ध खेल्ने टेस्ट क्रिकेट टिमको घोषणा गरेको छ ।

भारतीय टेस्ट टिमको नयाँ कप्तान शुभमन गिल बनेका छन् । रोहित शर्माले टेस्ट क्रिकेटबाट सन्यास लिएपछि गिललाई कप्तान बनाइएको छ ।

पुरुष छनोट समितिले इङ्गल्याण्डमा खेलिने आगामी पाँच खेलको टेस्ट शृंखलाको लागि १८ सदस्यीय टिमको घोषणा गरेको छ । त्यस्तै ऋषभ पन्तलाई उपकप्तानको रूपमा नियुक्त गरिएको छ ।

भारतको टेस्ट टिम- शुभमन गिल (कप्तान), ऋषभ पन्त (उपकप्तान/विकेटकिपर), यशस्वी जयस्वाल, केएल राहुल, साई सुदर्शन, अभिमन्यु ईश्वरन, करुण नायर, नितीश रेड्डी, रवीन्द्र जडेजा, ध्रुव जुरेल (विकेटकिपर), वाशिंगटन सुन्दर, शार्दुल ठाकुर, जसप्रीत बुमराह, मोहम्मद सिराज, प्रसिद्ध कृष्ण, आकाश दीप, अर्शदीप सिंह र कुलदीप यादव ।

भारतले इङल्याण्डमा जुन २० देखि पाँच टेस्टको सिरिज खेल्ने तालिका छ । जसमा जुन २० मा लिड्समा पहिलो, जुलाई २ मा बर्मिङगममा दोस्रो, जुलाई १० मा लर्ड्समा तेस्रो, जुलाई २३ मा म्यानचेस्टरमा चौथो र जुलाई ३१ मा द ओभलमा पाँचौ टेस्ट खेल्ने छ ।