नेपाल थाइल्यान्डसँग ७८ रनले पराजित

काठमाडौँ- नेपाल थाइल्याण्डसँग पराजित भएको छ ।

आइसीसी महिला टी-२० विश्वकपको एशिया छनौटको सुपर थ्री अन्तर्गतको अन्तिम खेलमा नेपाल थाइल्याण्डसँग ७८ रनले पराजित भएको हो । थाईल्याण्डले दिएको १५९ रनको लक्ष्य पछाएको नेपालले २० ओभरमा ९ विकेट गुमाउदै ८० रन बनाएको थियो ।

नेपालका लागि कबिता कुँवरले सर्बाधिक २४ रन बनाएकी थिइन् भने राजमती ऐरीले २० र रुबिना क्षेत्रीले १२ रन बनाएकी थिइन् । यसअघि टस हारेर पहिला ब्याटिंग गरेको थाइल्याण्डले २० ओभरमा २ विकेट गुमाउदै १५८ रन बनाएको थियो ।

थाइल्याण्डका लागि नन्नापाट कोन्चारोनकाई र नताया बूचाथामले ५०-५० रन बनाएका थिए । त्यसैगरीअफिसरा सुवानचोनराथीले २९ रन बनाएकी थिइन् । त्यस्तै नेपाली बलर राजमती ऐरी र मनिषा उपाध्यायले एक एक विकेट लिएका थिए ।

यो जितसँगै थाइल्याण्ड एशिया छनौटको च्याम्पियन बनेको छ । नेपाल र थाइल्याण्ड दुवै आइसीसी विश्वकप छनौटको ग्लोबल क्वालिफायरमा पुगिसकेका छन् ।