मिर्गौलाको दाम १० लाख दिने प्रलोभनमा पारी भारत लग्ने दुई जना प्रहरी नियन्त्रणमा
काठमाडौं– आर्थिक अभावमा रहेका मानिसलाई १० लाख रुपियाँमा मिर्गौला बेच्न सकिने प्रलोभनमा पारी भारतको कलकत्ता पुराउने दुई जनालाई नेपाल प्रहरीको मानव बेचबिखन ब्युरोले पक्राउ गरी अनुसन्धान थालेको छ।
पीडितको उजुरीका आधारमा ब्युरोले ललितपुर महानगरपालिका–८ घर भएका ३७ वर्षीय शंकर खत्री र मकवानपुर भीमफेदी गाउँपालिका–२ घर भएकी ४२ वर्षीया शान्तिमाया घलानलाई पक्राउ गरी अनुसन्धान गरिरहेको हो।
पीडितलाई मृगौला बिक्री गरेमा १० लाख कमाउन सकिने लोभ देखाएर स्वास्थ्य परीक्षण गराई काठमाडौंबाट वीरगञ्ज हुँदै भारतको कलकत्तासम्म लगेको प्रहरीले प्रारम्भिक चरणमा खुलाएको छ।
मिर्गौला प्रत्यारोपण गर्नुपर्ने परिवारका सदस्यभित्रको मानिस बनाउनका लागि सरकारी कागज समेत किर्ते र जाली बनाएको विषय प्रहरीले खुलाएको छ। काठमाडौं जिल्ला अदालतबाट नौ दिनको म्याद थप गरी पक्राउ गरिएकामाथि अनुसन्धान जारी राखिएको प्रहरीले जनाएको छ।
कल्याणकारी कोषको २ करोड बढी अपचलनमा सेनाका दुई तारे जर्नेल मुछिए, पूर्वजमदार पनि पक्राउ
अन्डरवर्ल्ड डन दाउदले पाकिस्तान छाडेर भागेको दाबी
नेपाल प्रहरीका डीएसपी केसीले सई कुटे, डोल्पा इञ्चार्जबाट ९ दिनमै तानिए प्रधान कार्यालय
तीनकुने घटनामा पक्राउ परेका ३६ जना रिहा
डिपेन्डेन्टमा क्यानडा लैजाने भन्दै २० लाख लिएर फरार युवती पक्राउ
सशस्त्र प्रहरीले दुई दिनमै खडा गर्यो सीमा क्षेत्रमा एक हजार ८४४ ‘चेक प्वाइन्ट’
