धनगढी– नागरिक उन्मुक्ति पार्टी (नाउपा)को पहिलो बैठकले विधान संशोधन गर्दै संस्थापक अध्यक्ष रञ्जिता श्रेष्ठलाई सहअध्यक्षमा मनोनित गर्ने निर्णय गरेको छ ।
टीकापुरमा आज सम्पन्न प्रथम महाधिवेशनबाट पार्टीका संरक्षक रेशम चौधरी अध्यक्षमा निर्वाचित भएपछि बसेको पहिलो बैठकले श्रेष्ठलाई सहअध्यक्षमा मनोनित गर्ने निर्णय गरेको हो ।
नव निर्वाचित अध्यक्ष चौधरीले श्रेष्ठलाई सहअध्यक्षमा मनोनित गर्ने निर्णयको पत्र पठाइएको जानकारी दिए । उनका अनुसार आजको बैठकले दुई जना महासचिव हुने व्यवस्था समेत गरेको छ ।
प्रकाशित मिति: शनिबार, पुस २८, २०८० १९:०३
प्रतिक्रिया दिनुहोस्
