काठमाडौँ– नेपाल सुपर लिगको दोस्रो संस्करणमा स्पोर्टिङ्ग इलाम एफसीमाथि जित हात पार्दै पोखरा थन्डर्सले अंक तालिकाको शीर्ष स्थानमा उक्लिएको छ ।
आज दशरथ रंगशालामा भएको खेलमा पोखराले इलामलाई १–० गोलले हराउँदै ८ अंकका साथ शीर्षस्थानमा उक्लिएको हो ।
खेलमा दोस्रो हाफको ४७ औं मिनेटमा पोखराका सन्जीव विष्टले गरेको गोल नै जितको लागि पर्याप्त भयो । दोस्रो हाफको सुरुवातै गोल गरेपछि इलाममाथि पोखरा हाबी बनेको थियो ।
जित हासिल गर्दै अविजित यात्रा कायम गरेको पोखराले चार खेलमा आठ अंक जोडेको हो । उता इलामको भने चार खेलमा तीन अंक मात्र रहेको छ ।
भोलि हुने खेलमा एफसी चितवनले बुटवल लुम्बिनी एफसीको सामना गर्ने छ । खेल साँझ ५ बजे दशरथ रंगशालामा हुने छ।
प्रकाशित मिति: बुधबार, मंसिर २०, २०८० १९:०२
प्रतिक्रिया दिनुहोस्
