काठमाडौँ– नेपाल सुपर लिग (एनएसएल)को दोस्रो संस्करणमा बुटवल लुम्बिनी एफसी क्लबले स्पोर्टिङ इलाम क्लबलाई पराजित गरेको छ ।
दशरथ रंगशालामा आज सम्पन्न खेलको अन्तिम समयमा एरिक विष्टको उत्कृष्ट फ्रिकिक गोलको मद्दतले बुटवल लुम्बिनी एफसीले स्पोर्टिङ इलामविरुद्ध २–१ को जित हासिल गरेको हो ।
खेल १–१ को अवस्थामा रहेको बेलामा विष्टले झन्डै ३५ यार्ड टाढाबाट फ्रिकिकमा उत्कृष्ट गोल गर्दै आफ्नो टोलीको पहिलो जित पक्का गराएका हुन् ।
दोस्रो हाफको सुरुवातमै गोल खाएको इलामले पेनाल्टी मार्फत बराबरी गर्ने मौकासमेत गुमाउन पुग्यो । तर, खेलको ७८औं मिनेटमा सन्तोष खत्रीले बक्स बाहिरबाट लिएको प्रहार क्रसबारमा लागेर फर्किएपछि रिबाउन्डमा अब्डुल्ज बाले गोल गर्दै बराबरी गर्न सफल भएका थिए ।
खेलको ८८औं मिनेटमा बुटवल लुम्बिनीका विष्टले उत्कृष्ट फ्रिकिक गोल गर्दै बुटवलका लागि २–१ को जित सुनिश्चित गरे । आजको खेलबाट बुटवलले पहिलो अंक समेत हात पारेको छ । बुटवल र इलामको तीन–तीन अंक रहेको छ।
