काठमाडौँ– नेकपा (एमाले)का अध्यक्ष केपी शर्मा ओलीले प्रधानमन्त्री पुष्पकमल दाहाल ‘प्रचण्ड’ की पत्नी सीता दाहालको निधनप्रति दुःख व्यक्त गरेका छन् ।

अध्यक्ष ओलीले आज एक ट्वीट गर्दै सीताको निधनको खबरले आफू अत्यन्तै दुःखी भएको जनाएका छन् । उनले दिवङ्गत दाहालप्रति भावपूर्ण श्रद्धाञ्जली अर्पण गर्दै पत्नी वियोगमा रहेका प्रधानमन्त्री दाहाललगायत शोकाकुल परिवारमा गहिरो समवेदना व्यक्त गरेका छन् ।

नर्भिक अन्तर्राष्ट्रिय अस्पताल उपचारका क्रममा आज विहान ८ः३३ बजे सीताको निधन भएको थियो । उनको आजै पशुपति आर्यघाटमा अन्त्येष्टि गरिने छ ।