सुसाइड नोट लेखेर बेपत्तापछि भेट्टाइएका डा. श्रेष्ठले प्रहरीलाई दिएको बयान, त्यसअघि यस्तो गरेछन्

काठमाडौं– फेसबुकमा अलविदा लेख्दै सुसाइड बयान लेखेर मोवाइल अफ गरी बेपत्ता भएका डा. केशव श्रेष्ठले प्रहरीलाई प्रारम्भिक बयान दिएका छन्।

उनी बेपत्ता हुनासाथ खोजीका लागि जिल्ला प्रहरी परिसर काठमाडौं परिचालित भएको थियो। प्रहरी टोलीको सादा पोशाकसहितको प्रहरीले पहिला भेट्टायो। 

उनलाई परिसरमा पनि ल्याइएको छ। डा. श्रेष्ठले प्रारम्भिक बयानमा आत्महत्याका लागि हिँडेको बताएका छन्। यसबाहेक अहिले उनले केही नबताए पनि स्वास्थ्य जाँच गराउने काममा प्रहरी जुट्नेछ। 

तर, उनी तारकेश्वर नगरपालिका ३ स्थित श्रीनाथ बुटिक रिजोर्टमा भेटिएका थिए। उनले त्यहाँ कफी पिएको रिसोर्टले जनाएको छ।

रिजोर्टका म्यानेजर राकेश लोहारका अनुसार डा. श्रेष्ठ बुलेट बाइक चढेर बुटिक पुगेका थिए। एक घन्टा त्यहाँ बसेका उनले कफि पिए पनि कसैसँग बोलेका थिएनन्। 

डा. श्रेष्ठले १८ महिना रामेछाप जिल्ला अस्पतालको सुपरिटेन्डेन्ट भएर काम गरेका थिए। तर, राजनीतिकरण गरेर आफूलाई काम गर्न नदिइएको उनले स्टाटसमा उल्लेख गरेका छन्।