काठमाडौँ– पशुपतिनाथ मन्दिरको गजुरमा तत्कालीन प्रधानमन्त्री केपी शर्मा ओलीले सुन भनेर पित्तल राखेको भन्दै नेपाली कांग्रेसले आरोप लगाएकोप्रति नेकपा (एमाले)ले आपत्ति जनाएको छ ।

एमाले संसदीय दलका उपनेता सुवास नेम्वाङ, प्रमुख सचेतक पदम गिरीलगायतले बैठकमा बोल्दै आपत्ति जनाएका हुन् ।

त्यसलाई एमाले अध्यक्ष ओलीलगायत सबै सांसदले उठेर साथ दिएका थिए । त्यसपछि संसद् बैठक अवरुद्ध भएको छ ।

कांग्रेसका सांसद लेखनाथ दाहाल केही दिनअघि संसद् बैठकमै ओलीले पशुपतिको गजुरमा सुन भनेर पित्तल राखेर भ्रष्टाचार गरेको आरोप लगाएका थिए । 

अहिले सभामुख देवराज घिमिरेले २० मिनेटका लागि बैठक स्थगित भएको घोषणा गरेका छन् । 

प्रधानमन्त्री पुष्पकमल दाहाल प्रचण्डले आज सरकारको नीति तथा कार्यक्रममाथि संसद्मा उठेका प्रश्नकोे जवाफ दिने कार्यक्रम थियो । संसद् अवरुद्ध भएपछि अहिलेलाई रोकिएको छ ।