श्रीगढीमाई क्याम्पसलाई १४ कठ्ठा जग्गा दान
कलैया– बाराको श्रीगढीमाई बहुमुखी क्याम्पसलाई विभिन्न दाताले रु ५६ लाख बराबरको १४ कठ्ठा जग्गा दान गरेका छन् ।
केही समयअघि क्याम्पसको आयोजनामा श्रीमद् भागवत तथा गढीमाई महोत्सवका अवसरमा विभिन्न व्यक्तिले क्याम्पसलाई जग्गा दान गर्न प्रतिबद्धता जनाएका थिए । सोही अनुसार उनीहरूले क्याम्पसलाई जग्गा दान गरेका हुन् ।
महागढीमाई नगरपालिका–१ का नागेन्द्रप्रसाद चौधरीले १० कठ्ठा तथा पन्नालाल प्रसाद, प्रेम प्रसाद, सुमित्रा देवी र नरेशप्रसाद जयसवालले एक–एक कठ्ठा जग्गा दान गर्नुभएको क्याम्पस सञ्चालक समितिका सदस्य अमित चौधरीले जानकारी दिए ।
पाँचै जनाले बुधबार मालपोत कार्यालयमा गई जग्गा क्याम्पसको नाममा पास गरी लालपुर्जा क्याम्पस सञ्चालक समितिका अध्यक्ष विजयकुमार स्वर्णकार र क्याम्पस प्रमुख धर्मेन्द्रप्रसाद यादवलाई हस्तान्तरण गरे ।
यसैगरी क्याम्पसले महायज्ञबाट सङ्कलन भएको रकमबाट रु चार लाखका दरले थप चार कठ्ठा जग्गा खरिद गरेको अध्यक्ष स्वर्णकारले जानकारी दिए ।
कालीगण्डकी नदीले बगाएर कास्कीका भुजेल बेपत्ता
काठमाडौंबाट पोखरा गएको माइक्रो दुर्घटना, तीन जनाको मृत्यु
-1700641611.jpg)
गत चैत मसान्तसम्मको अन्तिम मतदाता नामावली प्रकाशित, १९ हजार ८२२ जना बढे
महालेखा परीक्षकको कार्यालयले भन्यो- स्थानीय तह आन्तरिक लेखा परीक्षण गर्दैनन्
काँग्रेस सांसद राईलाई १० लाख धरौटीमा छाड्न आदेश
बालकमाथि हुने यौन हिंसा अन्त्य गर्न नीलो छाता अभियान
सगरमाथा संवाद अन्तरराष्ट्रिय मञ्चमा नेपालको उपस्थितिका लागि महत्त्वपूर्ण : डा.राणा
