काठमाडौं–भारतले पेट्रोलियम पदार्थको मूल्य घटाएर नेपाललाई पठाएको छ । इण्डियन आयल कर्पोरेशनले नेपाल आयल निगमलाई पठाएको नयाँ मूल्य सूचीमा पेट्रोल र डिजेल लगायतको मूल्य घटेको हो ।
नयाँ मूल्यसूचीअनुसार पेट्रोल लिटरमा ४ रुपैयाँ ३३ पैसा र डिजल लिटरमा ४ रुपैयाँ ११ पैसा घटेको हो ।
हरेक १५ दिनमा नयाँ मूल्य कायम हुने नेपाल आयल निगम र इण्डियन आयल कर्पोरेशनबीच सम्झौता छ । जसअनुसार इण्डियन आयल कर्पोरेशनले मइ १ तारिखमा नयाँ मूल्य पठाएको हो ।
नयाँ मूल्य अनुसार अब निगमलाई पेट्रोल लिटरमा १० रुपैयाँ र डिजल लिटरमा ६ रुपैयाँ नाफा रहने छ ।
अहिले पेट्रोलको मूल्य १७५ रुपैयाँ प्रतिलिटर र डिजेलमा १६५ रुपैयाँ प्रतिलिटर कायम छ । यही मूल्य कायम रहेमा नियमको नाफा प्रति १५ दिनमा १ अर्ब नाघ्ने छ ।
प्रकाशित मिति: सोमबार, वैशाख १८, २०८० १८:१२
प्रतिक्रिया दिनुहोस्
