प्रतिनिधिसभामा प्रधानमन्त्री हराएको सूचना
काठमाडौं –प्रतिनिधिसभामा प्रधानमन्त्री पुष्पकमल दाहाल ‘प्रचण्ड’ हराएको सूचना बाचन गरिएको छ । आइतबार प्रतिनिधिसभा बैठकमा नेकपा एमालेका सांसद् रघुजी पन्तले प्रधानमन्त्री ‘प्रचण्ड’ हराएको सूचना वाचन गरे ।
पछिल्लो समय प्रधानमन्त्री प्रचण्ड संसदमा आउनै छोडेपछि पन्तले सूचना वाचन गरी कटाक्ष गरे । उनले प्रधानमन्त्रीलाई अन्तिम पटक बालुवाटाराको छेउछाउतिर देखिएको भन्दै व्यंग्य गरे ।
पन्तले बाचन गरेको सूचना यस्तो छ :
नागरिकताको नाम : पुष्पकमल दाहाल ’प्रचण्ड’
चलन चल्तीको नाम : प्रचण्ड
स्थायी ठेगाना : फेरिरहने
अस्थायी ठेगाना : कहिले बालुवाटार कहिले खुमलटार
हुलिया : पहिले पहिले कोटपाइन्ट, हाल दौरासुरुवाल
उमेर : ६५ वर्ष नाघेको, ७० नपुगेको जस्तो देखिने
उहाँ केहि दिनअघि प्रतिनिधि सभामा झुलुक्क देखिएपनि हाल संसद्मा आउनै छोडेकोले उहाँलाई फेला पार्नुहुने व्यक्तिले प्रतिनिधि सभा भवन नयाँ बानेश्वर बुझाइदिनुहोला ।
उहाँ अन्तिम पटक देखिएको स्थान : बालुवाटाराको छेउछाउ