संसदीय दलकाे बैठकमा ओलीले भने– प्रचण्डलाई एमालेले विश्वासको मत दिन सक्तैन

सोमबार, चैत ६, २०७९

काठमाडौँ– नेकपा (एमाले)का अध्यक्ष केपी शर्मा ओलीले प्रधानमन्त्री पुष्पकमल दाहाल प्रचण्डलाई विश्वासको मत नदिने बताएका छन् ।

जारी संसदीय दलको बैठकमा ओलीले प्रचण्डलाई विश्वासको मत दिन नसकिने बताएको एक नेताले बताए ।

प्रधानमन्त्री पुष्पकमल दाहाल प्रचण्डले आज प्रतिनिधिसभा बैठकमा विश्वासको मत लिँदैछन् । यसैबार निर्णय गर्न एमालेको संसदीय दलको बैठक बसिरहेको छ ।

पुस १० गते प्रधानमन्त्री बनेका प्रचण्डले पुस २६ गते विश्वासको मत लिएका थिए ।

सरकारलाई समर्थन गरेका एमाले र राप्रपाले समर्थन फिर्ता लिई सरकारबाट पनि बाहिरिएपछि प्रधानमन्त्रीले पुनः प्रतिनिधि सभाबाट विश्वासको मत लिन लागेका छन् ।

प्रकाशित मिति: सोमबार, चैत ६, २०७९  १३:०७
प्रतिक्रिया दिनुहोस्
सिएन विशेष
विचार