दोलखा –सदरमुकाम चरिकोटमा युवाहरूलाई निःशुल्क रोजगारमूलक तालिम दिइएको छ।  जिल्ला युवा समिति दोलखाको आयोजना तथा युवा परिषद् बागमती प्रदेशको सहयोगमा बेरोजगार न्यूनीकरण गर्ने उद्देश्यले युवालाई निःशुल्क वारिष्टा  (कफी मेकर) र होमस्टे तालिम दिन सुरु गरिएको हो । 

तालिम ३९० घण्टा अर्थात् ३ महिनासम्म दिइने जिल्ला युवा समिति दोलखाका अध्यक्ष भरत कुमार श्रेष्ठले जानकारी दिए । तालिममा होमस्टे तर्फ २५ जना र वारिष्टा तर्फ २५ जना गरी ५० जना युवाहरू सहभागि छन् । 

सहभागीलाई शक्ति थापाले होमस्टे र निशा तामाङले वारिष्टा सम्बन्धी प्रशिक्षण दिइरहेका छन् । तालिममा उत्कृष्ट हुने र व्यवसाय गर्छु भन्ने जाँगरिला युवालाई प्रदेश युवा समितिले अनुदान स्वरूप ५० हजार रुपैयाँ प्रदान गर्ने जिल्ला युवा समितिका अध्यक्ष भरत कुमार श्रेष्ठले बताए । सीपमूलक तालिमले युवाहरूको बढ्दो बेरोजगारी न्यूनीकरणमा टेवा पु¥याउने अपेक्षा राखिएको छ ।