बुटवल–चनौटा सडक : ८ परामर्शदाता कम्पनी ‘सर्टलिस्ट’मा, सबै विदेशी

काठमाडौँ– बुटवल–गोरुसिंगे–चनौटा सडक विस्तारका लागि परामर्शदाता छनोट प्रक्रिया अन्तिम चरणमा पुगेको छ ।

सडक विभागका अनुसार सो सडकखण्ड ४ लेनमा विस्तार गर्न ८ वटा परामर्शदाता कम्पनी ‘सर्टलिस्ट’मा परेका छन् ।

गोरुसिंगे–चनौटा सडकखण्डको १९ किलोमिटरका लागि विस्तृत इन्जिनियरिङ सर्भेक्षण र स्तरोन्नतिको डिजाइन गर्न, सोही खण्डमा वातावरण मूल्यांकनका लागि स्तर वृद्धि कार्य गर्न (सडक र पुलसमेत), ६९ किलोमिटर पूर्व–पश्चिम राजमार्ग खण्ड सुधार र फराकिलोको निर्माण पर्यवेक्षकका लागि विभिन्न ८ वटा परामर्शदाता कम्पनी सर्टलिस्टमा परेका हुन् ।

उक्त सडक विस्तारका लागि परामर्शदाता कम्पनी छनोटका लागि सडक विभागले सूचना आह्वान गरेको थियो । सरकारले आगामी आर्थिक वर्ष २०८०÷८१ देखि उक्त सडकखण्ड ४ लेनमा विस्तार गर्ने योजना बनाएको छ ।

सर्टलिस्टमा पर्ने सबै विदेशी कम्पनी छन् । बोटेक बोस्फोरस टेक्निकल कर्पोरेसन टर्की र उमरमुन्सी एसोसिएट्स पाकिस्तानसँग संयुक्त उद्यम तथा प्राविधिक एसपिए कम्पनी इटाली छ ।

इगिस भिलेस इट्स ट्रान्सपोर्टस् फ्रान्ससँग संयुक्त रूपमा उद्यममा इन्डिया कन्सल्टिङ इन्जिनियर्स प्राइभेट लिमिटेड भारत, मैसर्स इन्टरकन्टिनेन्टल परामर्शदाता र  टेक्नोक्रेट्स प्राइभेट लिमिटेड भारत सर्टलिस्टमा छन् ।

त्यस्तै, एमएसभी इन्टरनेसनल इन्कर्पोरेटेड अमेरिका कियोङ डोङ इन्जिनियरिङ कम्पनी लिमिटेड, गणतन्त्रको साथ उद्यम कोरिया र प्युलघ्वा इन्जिनियरिङ परामर्शदाता कोरिया छन् ।

रिटेड लिमिटेड केसीलेङ कर्पोरेसन लिमिटेड गणतन्त्र कोरियासँगको संयुक्त जेभीमा भारत एसएमइसी अन्र्तराष्ट्रिय पिटिवाई लिमिटेड अस्ट्रेलिया छन् । 

त्यस्तै, युकसेल प्रोजे एनोमिम सिरकेटी टर्कीसँग जेभीमा परामर्श इन्जिनियरिङ समूह भारतको कम्पनी सर्टलिस्टमा परेको छ । सर्टलिस्टमा परेका कम्पनीमध्ये प्राविधिक र आर्थिक मूल्यांकनका आधारमा राम्रो मानिने एक कम्पनी छनोट गरिनेछ ।

४ लेनमा विस्तार गर्न झन्डै ३२ अर्ब रुपैयाँ लागत अनुमान गरिएको छ । २ वर्षभित्र सडक विस्तारको काम सम्पन्न गर्ने लक्ष्यका साथ सडक विभागले परामर्शदाता र निर्माण कम्पनी छनोट प्रक्रिया अघि बढाउने तयारी गरिरहेको छ ।