इथियोपिया लैजाने प्रलोभनमा भारत पुर्याइएका १२ जना महिलाको उद्धार
काठमाडौँ –नेपाल प्रहरीको मानव बेचविखन अनुसन्धान ब्युरोले १२ जना महिलाहरुलाई भारतबाट उद्धार गरेको छ ।
व्युरोले शुक्रबार काठमाडौंमा पत्रकार सम्मेलन गरेर मंसिर र पुस महिनामा भारत पुर्याइएका महिलाहरुलाई उद्धार गरेको हो ।
उनीहरुलाई नेपालका बिभिन्न नाकाबाट भारत लगिएको थियो ।
भिजिट भिसामा दुवई हुँदै इथियोपियामा बैदेशिक रोजगारीमा लैजाने प्रलोभन देखाई भारतको जयपुरमा राखिएको अवस्थामा १२ जना महिलाहरुलाई उद्धार गरिएको प्रहरीले बताएको छ ।
उनीहरू मानव बेचविखन ओसारपसार अपराधको उच्च जोखिममा रहेकाले तत्काल उद्धार गर्न ब्युरोमा सूचना आएपछि नयाँ दिल्लीमा रहेको नेपाली दूतावास, भारतीय प्रहरी र नेपालस्थित शान्ति पुनस्र्थापना केन्द्रको सहकार्यमा उद्धार गरिएको ब्युरोका निर्देशक प्रहरी वरिष्ठ उपरीक्षक जीवन कुमार श्रेष्ठले बताए ।
ब्युरोले नेपालबाट हराएकी एक बालिकाको पनि भारतबाट उद्धार गरिएको जनाएको छ । बालिकालाई भारतको तान्त्रिकलाई बेचबिखन गर्ने तयारी भइरहेको अवस्थामा उद्धार गरिएको ब्युरोका निर्देशक श्रेष्ठले बताए ।
मामाघर गएकी बालिकालाई बन्धक बनाई भारतको पहाडगन्ज नयाँदिल्ली पु¥याउने ६ जनाको गिरोहलाई पक्राउ गरी अनुसन्धान भइरहेको प्रहरीले जनाएको छ ।