आफैंले अभिनय गरेका तीन सय मध्य राजेश हमाललाई मन परेको फिल्म, धेरैलाई मनपर्छ सायद

काठमाडौं– नेपालका सुप्रख्यात अभिनेता तथा महानायकको पगरी पाएका राजेश हमालले आफ्नो करिअरमा अहिलेसम्म तीन सय फिल्ममा अभिनय गरिसकेका छन्। 

उनी आफैंले दिएको यो जानकारीका अनुसार ‘भाग्यरेखा’मा अनुबन्धित उनको पहिलो फिल्मचाहिँ ‘युगदेखि युग’सम्म हो।

भाग्यरेखामा कारणबस उनी निस्कनु परेपछि उक्त फिल्ममा चलचित्र कलाकार संघका पूर्वअध्यक्ष रविन्द्र खड्काले अभिनेताको मौका पाएका थिए। 

राजेश हमालले आफूले अभिनय गरेका मध्य मन पराउने फिल्ममा पर्छ ‘देउता’। उक्त फिल्म तुलसी घिमिरेले निर्देशन गरेका हुन्। ‘अब यो बाटो’, ‘के भन्ने हाम्रो समय’, ‘पिरतीको मिठो तिर्सना’लगायतका सबै गीत हिट छन् भने फिल्म पनि चलेको थियो। 

उक्त फिल्ममा श्रवण घिमिरे, सृजना बस्नेतको पनि अभिनय रहेको थियो भने टीका पहाडी, तुलसी घिमिरे पनि रहेका थिए। 

हमाललाई मन परेको र पहिलो पटक हेरेको फिल्मको नाम भने ‘हिजो, आज र भोली’ हो। रुसदेखि नै फिल्ममा लगाव राखेका उनलाई मन पर्ने नेपाली फिल्मचाहिँ ‘माइतीघर’ रहेको बताएका छन्।

हाल पनि अभिनयमा सक्रिय रहेका उनको पछिल्लो फिल्मचाहिँ नरसिंहा अवतार थियो जुन खासै चलेको थिएन।