लिमीमा चाउचाउको मूल्य सय रुपैयाँ

हुम्ला – चाउचाउको मूल्य  सय रुपैयाँ पर्ने गरेको छ। नाम्खा गाउँपालिका– ६ को हिमालपारीको गाउँ लिमीको तुम्लिङ र ताक्ची बजारमा चाउचाउ प्रति पोकाको एक सय रुपिया पर्ने गरेको हो।

लिमीको तुम्लिङमा एक पोका वाईवाई चाउचाउको मुल्य एक सय रुपियाँ पर्ने उपभोक्ता लोकबहादुर बुढाले बताए। उनले दिउसोको खाजा खानेक्रममा चाउचाउ अर्डर गर्दा एक पोकाको एक सय रुपियाँ तिरेको जानकारी दिएका हुन्।

त्यसैगरी, अण्डा प्रति वटाका असी रुपियाँ पर्ने गरेको छ। अन्य खाजा खान नपाउने सो स्थानमा चाउचाउ र अण्डाको मुल्य निक्कै महङ्गो पर्ने गरेको उनले बताएका हुन।

यो चाउचाउ र अण्डाको मुल्य लिमीको टाक्चीमा पनि उस्तै रहेको छ। तुम्लीङका होटेल ब्यवसायी फुन्जोक लामाले ढुवानी समस्याको कारण चाउचाउ र अण्डाको मुल्य महङ्गो पर्ने गरेको बताएका छन। वर्ष सडक चाँडै खुलेको कारण यो मुल्यामा सामान आउने गरेको भएपनि सडक जोडिनुअगाडि यो भन्दा अझै महङ्गो पर्ने गरेको हो।

कच्ची सडक भएको कारण सिमकोटबाट लिमीको गाडी भाडा पनि महङ्गो पर्ने गरेको छ। तुम्लीङ र ताक्चीमा अन्य सामानहरु पनि महङ्गो पर्ने गर्छ।