बिराटनगर उत्रिएर प्रचण्डले गरे यस्तो खण्डन

काठमाडौं– भिजिट भिसा प्रकरण र माओवादी उपाध्यक्ष अग्नी सापकोटाको मुद्दामा लेनदेन नभएको अध्यक्ष पुष्पकमल दाहाल प्रचण्डले दाबी गरेका छन्। 

बिराटनगर विमानस्थलमा शनिबार उत्रिएपछि उनले माओवादीलाई लागेको आरोपबारे खण्डन गरेका हुन्। 

प्रचण्डले सदन खुलाउन सत्तारुढ नेपाली कांग्रेस र नेकपा एमालेसँग गरेको सहमति र आफ्नो पार्टीका उपाध्यक्ष अग्नि सापकोटाबीच कुनै साइनो नभएको जिकिर गरे। 

पत्रकारको प्रश्नको जवाफमा उनले भने, ‘वाहियात कुरा मानिसहरूले प्रचार गर्ने गर्या छन्, त्यस्तो केही पनि होइन, यो कुरा र अग्नि सापकोटाको कुनै साइनो सम्बन्ध छैन।’ 

आफ्ना उपाध्यक्ष सापकोटाविरुद्ध लागेको द्वन्द्वकालीन हत्याको मुद्दासँग साटेर माओवादी केन्द्रले गृहमन्त्री लेखकले राजीनामा दिनुपर्ने अडान साटेको आरोप लागिरहेका बेला अध्यक्ष प्रचण्डले खण्डन गरेका हुन्।