राजनीति

संसद्‌मा गृहमन्त्रीले भने- भिजिट भिसा प्रकरणमा मेरो संलग्नता छैन

सिएन नेपाल

शुक्रबार, जेठ ३०, २०८२

संसद्‌मा गृहमन्त्रीले भने- भिजिट भिसा प्रकरणमा मेरो संलग्नता छैन

काठमाडौँ- गृहमन्त्री रमेश लेखकले भिजिट भिसा प्रकरणमा आफ्नो कुनै संलग्नता नभएको हुन पनि नसक्ने प्रस्टीकरण दिएका छन् ।

शुक्रबार राप्रपा र रास्वपाको विरोधकाबिच संसदमा आफूमाथि उठेको प्रश्नको जवाफ दिँदै गृहमन्त्री लेखकले यस्तो प्रस्टीकरण दिएका हुन् ।

त्यसक्रममा उनले आफूमाथि राजनीतिक प्रतिशोधका आधारमा आरोप लगाइएको भन्दै त्यसको खेद व्यक्त गरे । ‘त्रिभुवन अन्तर्राष्ट्रिय विमानस्थल अध्यागमन कार्यालय कार्यालय प्रमुख भिजिट भिसाका सम्बन्धमा अख्तियारले बोलाएको कुरा सञ्चारमाध्यमबाट थाहा पाएको हुँ । त्यसबारेमा मेरो समेत संलग्नता छ भनेर सामाजिक सञ्जालमा अभिव्यक्त विचारमा कुनै सत्यता छैन,उक्त कार्यमा मेरो कुनै संलग्नता छैन । हुन सक्दैन’, गृहमन्त्री लेखकको भनाइ छ ।

उनले आफ्ना विरुद्ध नियोजित र राजनीतिक आक्रमण गर्न खोजेको बताए ।

प्रकाशित मिति: शुक्रबार, जेठ ३०, २०८२

प्रतिक्रिया दिनुहोस्