उपप्रधानमन्त्री प्रकाशमान सिंहलाई महावीरले भिराए उपनाम– अँध्यारोमान

काठमाडौं- राष्ट्रिय आविष्कार केन्द्रका संस्थापक महाविर पुनले उपप्रधान तथा शहरी विकास मन्त्री प्रकाशमान सिंहलाई अँध्यारोमानको संज्ञा दिएका छन् ।

सामाजिक सञ्जाल फेसबुकमा स्टाटस राख्दै उनले सिंहलाई अँध्यारोमानको संज्ञा दिएका हुन् । 

 पुनले सिंहलाई आफ्ना स्वर्गीय बुबाको नाममा १५ वटा पार्क निर्माणको लागि करिब २८ करोड रुपैयाँ छुट्याएकोमा आपत्ति जनाउँदै त्यसलाई "बुद्धिमा बिर्को लागेको" निर्णयको संज्ञा दिएका छन्।

उनले सामाजिक संजाल फेसबुकमा लेखेका छन् ।  

अँध्यारोमान ज्यू, तपाँईले तपाँईकै स्वर्गीय बुबाको स्मृति लामो समय सम्म रहोस् भनेर मन्त्रीको हैसियतले बुद्धिमा बिर्को लागेर १५ वटा पार्कहरु बनाउनको लागि मात्र करिब २८ करोड रुपैयाँ छुट्याउनु भएछ। ति पार्कहरु बनाउनुको सट्टा प्रतिभाशाली र सृजनशिल युवाहरुको लागि तपाईकै बुबाको नाममा एउटा अत्याधुनिक नवप्रवर्तन केन्द्र खोल्ने बुद्धि आएको भए सुनमा सुगन्ध हुने थियो। त्यसैले रीसको झोंकमा तपाईको नाम "प्रकाश" अनुसारको काम नभएकोले "अँध्यारो" भनेर नाम राखिदिँए। तपाई र म अमृत साइन्स कलेजमा सँगै पढेका थियौं । साथीलाई यत्ति भनें ल । माफ गर्नुहोला ।