आज राति प्रधानमन्त्री ओलीले बोलाए मन्त्रिपरिषदको आकस्मिक बैठक, एजेन्डा के छ?
काठमाडौं– प्रधानमन्त्री केपी शर्मा ओलीले बुधबार (आज) राति मन्त्रिपरिषदको आकस्मिक बैठक बोलाएका छन्।
प्रधानमन्त्री ओलीको सचिवालयले यस्तो जानकारी दिएको हो। बैठकको मुख्य एजेन्डा गभर्नर नियुक्ति सिफारिस समितिसम्बन्धी निर्णय रहेको बताइएको छ।
बालुवाटारमा राति ८ बजे बस्ने बैठकले गभर्नर सिफारिस गर्न गठित समितिका सदस्य डा.विश्व पौडेलको राजीनामा स्वीकृत गर्दै नयाँ सदस्य नियुक्त गर्ने एजेन्डा प्राथमिकतामा छ।
राष्ट्रिय योजना आयोगका पूर्वअध्यक्ष समेत रहेका पौडेललाई कांग्रेसले गभर्नरमा प्रस्ताव गरेको छ।
प्रधानमन्त्री केपी शर्मा ओली र कांग्रेस सभापति शेरबहादुर देउवाबीच राष्ट्र बैंकका कार्यकारी निर्देशक गुणाकर भट्टलाई गभर्नर बनाउने समझदारी भएको थियो।
यसबाहेक अन्य विभिन्न एजेन्डा पनि हुने बताइएको छ। यो बैठक नियमितबाहेकको हो। मन्त्रिपरिषदको बैठक सोमबार र बिहीबार बस्ने कार्यतालिका हुन्छ। तर प्रधानमन्त्रीले बुधबार नै डाकेका कारण विशेष एजेन्डा रहेको हुन सक्ने बताइएको छ।
सांसदको संख्या घटाऔँ, संसद् बाहिरबाट मन्त्री नियुक्त गरौँ : नारायणकाजी श्रेष्ठ
संरचनात्मक सुधारमा सरकार कठोर होस्, प्रमुख प्रतिपक्षी दलको समर्थन रहन्छ : जनार्दन शर्मा
भूमि विधेयक संसद्मा प्रस्तुत, हदबन्दी बढीको जग्गामा घर बनाएर बेच्न पाइने
‘आफ्नै छोराछोरीलाई देशमै सपना देखाउन सक्दैनौं भने राजनीति गरेको के अर्थ ?’
एनआरएनए व्यक्तिगत स्वार्थका लागि जे पनि गर्ने थलोका रुपमा विकास नहोस् : प्रधानमन्त्री
देशलाई अहिले चाहिएको आर्थिक पूनःसंरचना हो : जनार्दन शर्मा
सरकारले नियमित प्रक्रियाबाट अगाडि बढायो भूमिसम्बन्धी विधेयक
