त्रिवि क्रिकेट रङ्गशाला प्याराफिटमा रुखको अबरोधः यस्तो छ वातावरणप्रेमी केसीको सुझाव

काठमाडौं– त्रिवि क्रिकेट रंगशालाको निर्माणको चरणमा रहेको प्याराफिट नै बदल्नुपर्नेगरी एउटा रुखको अबरोध रहेको र यसमा कानुनी अड्चन आउँदा बिलम्ब हुने चर्चा चलेको छ।

रङ्गशाला निर्माणमा बिलम्ब हुनेगरी अवरोध गरेको रुखको समस्या समाधानका निम्ति वातावरण प्रेमी राजेन्द्र केसीले केही सुझाव दिएका छन्। 

उनी भन्छन्,‘हामी सबै यस किक्रेट ग्राउण्ड समय भित्रै बन्नु पर्दछ। सबै निकायले अत्यन्तै सक्रियताका साथ सहयोग गर्नुपर्दछ भन्न चाहन्छौं। १ वटा रुख कटानीले क्रिकेट ग्राउन्ड निर्माण ढिला भयो भन्ने ब्यहोराको समाचार भाइरल भएपछि काठमाडौ डिभिजन वन प्रमुखसँग सोध्दा खेरी ‘यस सम्बन्धि कुनै निवेदन नै वन कार्यालयमा नपरेको’ जानकारी प्राप्त भयो।’

उनी अगाडि लेख्छन्–
सामान्य सोधपुछका लागि मानिस आएका, ‘आफूले तपाईंहरुले तत्कालै रुख काट्नुहोस्, सहयोग गर्दछु’, ‘कटान आदेश चाहिएमा निवेदन दिनुहोस्’ भनेको त्यसपछि ‘कोही सम्पर्कमा नआएको, निवेदन नपरेको’ उहाँले बताउनु भयो।

देशैभरी सामान्यतः समयमा काम सम्पन्न नगर्ने निकाय र निर्माण कम्पनीले आफ्नो ढिलासुस्ती बनलाई देखाएर उम्कने गर्दछन् । 

काठमाडौ रिंगरोड विस्तार र नारायणगढ–वुटवल सडकखण्डको रुख हामीले समयमै हटाउन नदिएको भए हालसम्म निर्माण सम्पन्न नभएको सम्पूर्ण दोष हामीले बेहोर्नुपथ्र्याे ।

त्यही भएर यस्ता राष्ट्रिय महत्त्वका निर्माणमा २–४रुखले समस्या पारे प्रोएक्टिभ भएर हटाउन सहयोग गर्न सबै वन सम्बन्धि निकायलाई अनुरोध गर्दछु। नितिगत सुधार हामी गर्नेछौं ।

टियु क्रिकेट ग्राउन्डको उक्त रुख हटाउने निवेदन टियु र क्यानको सिफारिससाथ आजै निवेदन लिएर डिभिजन वन कार्यालय, काठमाडौ जान र आजै कटानी आदेश प्राप्ति गर्नुहुन सम्बन्धित सबैमा अनुरोध छ, आवश्यक परेमा सहजिकरण म गरिदिने छु। आफ्नो कमजोरी अरुतिर औला देखाएर नढाकौं।