रेशम चौधरी पक्राउबारे गृहमन्त्रीले संसद्मा जवाफ दिने
काठमाडौं - नागरिक उन्मुक्ति पार्टीका संरक्षक रेशम चौधरीको पक्राउबारे गृहमन्त्री रमेश लेखकले जानकारी गराउने भएका छन् ।
मंगलबार प्रतिनिधि सभामा नाउपाका सांसदहरूले रेशम चौधरीको पक्राउबारे सरकारको जवाफ मागेर अवरोध गर्न खोजेका थिए । सभामुखले रुलिङ गर्नुपर्ने उनीहरूको माग थियो ।
त्यसक्रममा सभामुख देवराज घिमिरेले रेशम चौधरीको पक्राउबारे गृहमन्त्रीले संसद्मा जवाफ दिने जानकारी गराए । उनका अनुसार आगामी बिहीबार गृहमन्त्री लेखकले जानकारी दिनेछन् ।
यही वैशाख १७ गते नाउपा र जनमत पार्टीबीच एकीकरण गर्ने तय भएको थियो । एकीकरण घोषणाका लागि प्रज्ञा भवनमा पुगेका बेला रेशम चौधरी पक्राउ परेका थिए ।
तर, सर्वोच्च अदालतबाट जारी भएको भनिएको पक्राउ पुर्जी फर्जी रहेको थाहा लागेपछि रेशम चौधरी छुटेका थिए । त्यसक्रममा रशेम चौधरीले ५ घण्टा डिल्लीबजार कारागारमा बिताएका थिए ।
नीति तथा कार्यक्रम राजाकालीन परम्पराको निरन्तरता हो : उपेन्द्र यादव
रङ मिल्यो भन्दैमा बिरालो बाघ हुन सक्दैन, राजा बाघ हो- ज्ञानेन्द्र शाही
नीति तथा कार्यक्रमलाई सांसदको बेवास्ता, प्रतिनिधि सभाका कुर्सी रित्तै
रास्वपाको प्रश्न- दुर्लभ सरकार फेल भए के बाँकी रहन्छ ?
नीति तथा कार्यक्रम कर्मकाण्डी भयो- डा. स्वर्णिम वाग्ले
संसदमा जनार्दन शर्माको प्रश्न-‘सरकार किन गैर जिम्मेवार ?’
पाकिस्तानी आर्मीको डेलिगेशन नेपाल आएको सांसद सिंहको दाबी
