म्याराथुन भेटवार्तापछि स्वदेश फर्किए चौथाईवाले

काठमाडौं - तीन दिने नेपाल भ्रमण पूरा गरी भाजपा विदेश विभाग प्रमुख विजय चौथाईवाले दिल्ली फर्किएका छन् ।

आफ्नो भ्रमणको क्रममा उनले प्रधानमन्त्री केपी शर्मा ओली, पूर्वप्रधानमन्त्रीहरू शेरबहादुर देउवा, पुष्पकमल दाहाल प्रचण्ड, माधवकुमार नेपाल, उपप्रधानमन्त्री, मन्त्री विष्णु पौडेल, गृहमन्त्री रमेश लेखक, कांग्रेस महामन्त्री गगन थापा, माओवादी केन्द्रका उपमहासचिव जनार्दन शर्मा, कांग्रेस नेता डा, शेखर कोइराला, डा. प्रकाश शरण महत लगायतका नेताहरुसँग भेटवार्ता गरेका थिए ।  त्यस्तै उनले कांग्रेस नेता एनपी साउद, जनमत अध्यक्ष सिके राउत, लोसपा अध्यक्ष महन्थ ठाकुरसँग पनि भेट गरेका थिए ।

उनले प्रमुख राजनीतिक दलका शीर्ष नेताहरूसँगको भेट अत्यन्त फलदायी रहेको र यस भ्रमणले दुई देशबीचको सम्बन्ध झन् प्रगाढ हुने विश्वास व्यक्त गरेका छन् ।

आतंकवाद विरूद्धको अभियानमा नेपाल सरकार र नेपालका सबै राजनीतिक दलको समर्थन रहने विश्वास समेत उनले व्यक्त गरेका छन् ।