आईसीसी अध्यक्ष ग्रेग बार्कलेले भेट्दैछन् प्रधानमन्त्री प्रचण्ड, अर्थमन्त्री पुन र खेलकुदमन्त्री श्रेष्ठ

काठमाडौं– चार दिने नेपाल भ्रमणमा आएका अन्तर्राष्ट्रिय क्रिकेट परिषद (आईसीसी)का अध्यक्ष ग्रेग बार्कलेले बुधबार प्रधानमन्त्री पुष्पकमल दाहाल प्रचण्डसँग भेटवार्ता गर्दैछन्। 

त्रिभुवन विश्वविद्यालयको क्रिकेट मैदान र मूलपानी मैदानको मंगलबार अवलोकन गरी खुसी भएका उनले अर्थमन्त्री बर्षमान पुन र खेलकुदमन्त्री बिराजभक्त श्रेष्ठलाई समेत भेट्ने कार्यक्रम तय भएको छ। 

औपचारिक रुपमा आईसीसीको अध्यक्ष नेपाल भ्रमणमा आएको यो पहिलो पटक हो। उनले नेपालको खेल कौशलताको प्रशंशा गर्दै बढी भन्दा बढी अन्तर्राष्ट्रिय खेल आयोजनाको अवसर नेपाललाई दिनका लागि पहल गर्ने समेत बताएका छन्।