काठमाडौँ– जनता समाजवादी पार्टी (जसपा) ले संसदमा प्रभावकारी भूमिका निर्वाह गर्न सांसदहरुलाई निर्देशन दिएको छ । 

सिंहदरबारमा मंगलबार बसेको संसदीय दलको बैठकले संसदको जारी अधिवेशनमा प्रभावकारी भूमिका निर्वाह गर्न सांसदहरुलाई निर्देशन दिएको हो ।

महत्वपूर्ण विधेयकको छलफलका क्रममा उपस्थीति जनाउन र पार्टीको धारणा अभिव्यक्त गर्न बैठकले सांसदहरुलाई निर्देशन दिएको जसपा प्रमुख सचेतक प्रदीप यादवले जानकारी दिए । संसदको हिउँदे अधिवेशनमा सांसदको भूमिका र अधिक भन्दा अधिक बैठकमा भाग लिएर विधेयकहरुलाई प्रभावकारी बनाउने बिषयमा छलफल भएको उनले बताए ।

उनले संसदको क्यालेन्डरलाई प्रभावकारी रुपमा कार्यन्वयन गर्नुपर्नेमा जोड रहेको बताए ।