काठमाडौँ– राष्ट्रिय स्वतन्त्र पार्टी (रास्वपा)ले सांसद डा.स्वर्णिम वाग्लेलाई पार्टी उपसभापति बनाएको छ । 

महोत्तरीमा जारी बैठकले सांसद वाग्लेलाई पार्टी उपसभापति बनाएको हो । यस्तै बैठकले कविन्द्र बुर्लाकोटी, सुमना श्रेष्ठ र विपिन आचार्यलाई सहमहामन्त्रीमा चयन गरेको छ ।   

यस्तै, पार्टीको संसदीय दलको उपनेतामा विराजभक्त श्रेष्ठलाई निरन्तरता दिएको छ । त्यस्तै, उपसभापतिमा डिपी अर्याल, महामन्त्रीमा मुकुल ढकाल र प्रतिनिधिसभा प्रमुख सचेतकमा सन्तोष परियारलाई निरन्तरता दिएको छ ।

पार्टी कोषाध्यक्ष लिमा अधिकारी सह–कोषाध्यक्ष वसुमाया तामाङ र दीपक बोहरालाई तोकेको छ भने पार्टीका सहप्रवक्तामा मनिष झा, प्रतिभा रावल, रमेश प्रसाई रहेका छन् । पार्टीका थप केन्द्रीय सदस्यमा अनिल केशरी शाह, राजन गौतम, नन्दन यादव, पुकार बम र कामिनी चौधरी छन् । 

महामन्त्री ढकालका अनुसार पार्टीको महाधिवेशन प्रक्रिया र नयाँ स‌ंगठनात्मक ढाँचा अनुसार पार्टी सन्चालन गर्ने निर्णय गरिएको छ ।