काठमाडौं - पूर्वराजा ज्ञानेन्द्र शाहले मंगलबार बझाङमा गएको भूकम्पबाट भएको जनधनको क्षतिप्रति दुःख व्यक्त गरेका छन्।
शाहका तर्फबाट संवाद सचिव फणी पाठकले बुधबार विज्ञप्तिमा भूकम्पले सुदूर पश्चिमी क्षेत्रका विभिन्न जिल्लाहरूमा पुर्याएको क्षति र जनसाधारणमा परेको त्रासदीको खबरले गहिरो दुःख लागेको उल्लेख छ ।
साथै उनले भूकम्पपीडितको उपचार र राहतमा सरकारले शीघ्र कदम चाल्न सम्बन्धित सबैकाे ध्यान चाँडै पुगोस् भनी आग्रहसमेत गरेका छन्।
‘ठुलो भूकम्पपछि उत्पन्न पराकम्पको क्रम चलिरहेको यो अवस्थामा त्यहाँ पूर्ण सतर्कता आवश्यक रहेको हाम्रो धारणा छ’, शाहले भनेका छन्, ‘भूकम्पबाट घायल भएकाहरूको शीघ्र उपचार तथा क्षतिबाट प्रभावित घर परिवारको राहत निर्माणतर्फ तत्काल सम्बन्धित सबैको ध्यान पुगोस् भन्ने हाम्रो आग्रह छ ।’
प्रकाशित मिति: बुधबार, असोज १७, २०८० १२:००
प्रतिक्रिया दिनुहोस्
