काठमाडौँ– वर्तमान् प्रविधिको युगमा केवल शैद्धान्तीक ज्ञानले मात्र सक्षम जनशक्ति उत्पादन गर्न प्रायः असम्भव छ । पछिल्लो समयमा नेपालमा प्रविधि शिक्षाले निकै ठूलो फड्को मारेको पाइन्छ ।

काठमाडौं शान्तीनगर स्थित न्यू समिट कलेज, शान्तिनगर, काठमाडौँ र टेक ट्रिक्स नेपालद्घारा आयोजित 'टेक ट्रिक्स–२०२३' आगामी वर्ष चौँथो संस्करण आयोजना गर्ने प्रतिवद्वताका साथ समापन भएको छ ।

समापन समारोह कलेजका प्रिन्सिपल चोकराज दवाडीद्घारा सभापतित्व गरिएको थियो भने स्वागत मन्तव्य कलेजका संचालक समिति अध्यक्ष अजय प्रसाद ढकालले राखेका थिए । समापन समारोहमा त्रि.वि.आइओएसटीका डिन प्रा.डा. विनिल अर्याल प्रमूख आतिथिका रुपमा आमन्त्रित थिए ।

‘आइटी शिक्षामा विद्यार्थीहरुलाई आपूmसँग भएको अन्तरनीहित क्षमता प्रस्फुटन गर्न चाहिने एथेष्ट अवसर यस कार्यक्रमले दिएको र आगामी विश्व आइटी शिक्षा र आइटी विज्ञले गर्नेमा दुई मत नभएको कुरा तपाईहरुमा राख्न चाहन्छु,’ प्रा.डा.अर्यालले भने ।

विभिन्न विधामा संचालित प्रतियोगिताका विजेतालाई नगद पुरस्कार तथा प्रमाणपत्र वितरण गरिएको थियो । प्रमूख अतिथि प्रा।डा। अर्यालले एक लाख ८५ हजार नगद पुरस्कार र प्रमाण पत्र विजेताहरुलाई वितरण गरेका थिए । जसअन्तर्गत आइटी क्विजमा सेन्ट लरेन्स कलेज विजयी भएको थियो भने द्वितिय स्थान क्याथफोर्ड कलेजले प्राप्त गरेको थियो ।

क्ल्यास रोयल संजय गौतमले जितेका थिए भने सुजन गौतम दोस्रो भएका थिए । पब्जीका विजेता भने केएफए कलेजका सुभम चित्रकारको समूह भएको थियो भने सुनिल गिरिको टिम हाइप उपविजेता बन्दा टप फ्रागरको उपाधि विषेष खड्काले पाएका थिए ।

फिफा २०२३ विजेता जगदिज पाण्डे भएका थिए भने उपविजेताको उपाधि समिर गुरुङ्गले पाए । तीन दिवशीय प्रयोगिताको मुख्यआकर्षण ह्याकथोन सेन्ट जेभिएर्स कलेजले जितेको थियो भने उपविजेताको उपाधि सगरमाथा कलेज र तेस्रो स्थान न्यू समित कलेजलाई गएको थियो । विज्ञ परामर्शदाताको प्रत्यक्ष निगरानी र परामर्शमा ३० घण्टा अवधिमा बनाइएको परियोजनालाई निर्णयिकको भुमिकामा रहेका विभिन्न विषय विज्ञ विश्वकाजि श्रेष्ठ, रोशन खत्री, अभिषेक कोइराला, ई।आर। प्रविन चौहान निर्णयको आधारमा विजेता घोषणा गरिएको थियो ।

कार्यक्रमलाई मुख्य प्रायोजन गर्ने नेपाल टेलिकम, आइडिया स्टुडियो र भर्टिगोलगायत सम्पूर्ण प्रायोजक तथा प्रत्यक्ष परोक्ष रुपमा कार्यक्रम सफल बनाउन सहयोग गर्नै सबैलाई धन्यवाद दिँदै कलेजका प्रिन्सिपल दवाडीले समापन गरेका थिए ।