काठमाडौँ– नेपालको लागि हुन्डाई गाडीको आधिकारिक विक्रेता लक्ष्मी इन्टरकण्टिनेन्टलले एसएक्स भेरियन्टको हुन्डाई एक्सटर–एसयूभि चाँडै नै अरु भेरियन्ट सहित बिक्री वितरण सुरु गर्ने जनाएको छ ।
भृकुटीमण्डपमा सञ्चालन भइरहेको ‘नाडा अटो शो–२०२३’ मा अर्थमन्त्री प्रकाश शरण महतले हुन्डाई एक्सटर–एसयूभि ५ सिटर कम्प्याक्ट एसयूभी अनावरण गरेका थिए । सोहि मोडेलमा एसयूभिपहिलो लाइनअपमा रहको कम्पनीले जनाएको छ । इ, एस,एसएक्स र एसएक्स–ओ गरी चार भेरियन्टमा हुन्डाई एक्सटर ल्याउने कम्पनीले जनाएको छ ।
हुन्डाई एक्सटरमा आकर्षक ड्यासबोर्ड, उत्कृष्ट तरिकाले दिइएको एसी भेन्ट, इन्फोटेन्मेन्ट स्कृन, डोर ट्रिम लेआउट, क्लाइमेट कन्ट्रोल नब, थ्री स्पोक स्टेरिङ ह्वील र डिजिटल इन्ट्रुमेन्ट क्लष्टर रहने कम्पनीले जनाएको छ।
कम्पनीका अनुसार हुन्डाई एक्सटरमा क्रुज कन्ट्रोल, ६ वटा एयरब्याग, इलेक्ट्रीक शनरुफ, टायर प्रेसर मोनिटरिङ सिस्टम, रियर एसी भेन्ट, पुस स्टार्ट बटन, किलेस इन्ट्री जस्ता फिचरहरु दिएर फुल्ली लोडेड एसयूभी बनाइएको छ ।
बक्सी डिजाइनमा रहेको एक्सटरमा १.२ लिटर नेचेरल्ली एस्पीरेटेड इन्जिन, अलोय ह्वील, फ्यूचरिष्टीक डिजाइन, एच आकारमा आकर्षक डिआरएलएस सुविधा दिइएको छ । ६ कलर अप्सनमा उपलब्ध हुने एक्सटरमा १ सय ८५ एमएम ग्राउन्ड क्लेयरेन्स र १९.२ किलोमिटर प्रतिलिटर माइलेज पाउन सकिन्छ ।
