काठमाडौँ– राष्ट्रिय खेलकुद परिषद् (राखेप)ले नर्वौ राष्ट्रिय खेलकुद २०७९ को खर्च विवरण सार्वजनिक गरेको छ ।
बुधबार काठमाडौंमा पत्रकार सम्मेलन गर्दै राखेपले गण्डकी प्रदेशमा गत असोज २८ देखि कार्तिक ३ गतेसम्म आयोजना गरेको नर्वौ राष्ट्रिय खेलकुदको खर्च विवरण सार्वजनिक गरेको हो ।
प्रतियोगीतामा ५३ करोड ७९ लाख खर्च भएको राखेपले जनाएको छ । प्रतियोगीता सम्पन्न गर्न नेपाल सरकारबाट रु ६० करोड १० लाख र आन्तरिक आम्दानी ५१ लाख ५२ हजार सात सय गरि कुल ६० करोड ६१ लाख ५२ हजार सात सय कूल आम्दानी भएको राखेपले जनाएको छ । खर्च कटाएर जम्मा ६ करोड ८२ लाख ४८ हजार रुपैया बचत भएको पनि राखेपले जनाएको छ ।
पत्रकार सम्मेलनमा राखेपका सदस्य सचिव टंकलाल घिसिङले प्रतियोगीता अन्तर्गत बिभिन्न शीर्षकको रकम रकमान्तर प्रक्रिया पुरा गर्न २०८० साल असार पहिलो हप्तासम्म लागेको र तत्पश्चात भुक्तानी हुदा खर्चको एकीन विवरण तयार गरि सार्वजनिक गर्न समय लागेको बताए ।
नर्वौ राष्ट्रिय खेलकुदमा ३४१४ जना पुरुष र २७१३ जना महिला सहित कुल ६१२७ जना खेलाडीले ३९७ स्वर्ण, ३९७ रजत र ५५३ कास्य सहित कुल १३४७ पदका लागि प्रतिपर्धा गरेका थिए । ११ टिमको सहभागीता रहेको नर्वौ राष्ट्रिय खेलकुदमा नेपाल आर्मीले प्रथम उपाधी प्राप्त गरेको थियो ।
