मनाङ एयरको हेलिकोप्टर सोलुमा दुर्घटनाग्रस्त अवस्थामा भेटियो
काठमाडौँ– लुक्लाबाट काठमाडौँका लागि उडेको मनाङ एयरको हेलिकोप्टर सोलुखुम्बुमा दुर्घटनाग्रस्त अवस्थामा भेटिएको छ ।
सो हेलिकोप्टर सोलुको लिखुपिके गाउँपालिका र सोलु दूधकुण्ड नगरपालिकाको बीचमा पर्ने लामाजुरा डाँडामा दुर्घटनाग्रस्त अवस्थामा भेटिएको सोलु दूधकुण्ड नपा २ का वडाध्यक्ष ङवाङ ठिले शेर्पाले सिएन नेपाललाई जानकारी दिए । दुर्घटना भएको क्षेत्र सोही वडामा पर्छ ।
‘लामाजुरा डाँडामा दुर्घटनामा परेको जानकारी प्राप्त भएको । त्यसतर्फ प्रहरी टोली गइरहेको छ,’ वडाध्यक्ष शेर्पाले भने ।
यद्यपि, सोलु दूधकुण्डका नगर प्रमुख नाम्गेल जाङ्गु शेर्पा भने लिखुपिके गाउँपालिका वडा नम्बर ५ दुर्घटनाग्रस्त अवस्थामा भेटिएको बताउँछन् ।
त्रिभुवन विमास्थल स्रोतका अनुसार उक्त हेलिकोप्टर आज बिहान १० बजे लुक्लाबाट काठमाडौँ उडेको थियो । तर, सवा १० बजे सम्पर्कविहीन भएको थियो ।
उक्त हेलिकप्टरमा पाइटलसहित ६ जना यात्रु छन् ।
मनाङ एयरका अनुसार ९एनए–एमभी कलसाइन भएको हेलिकोेप्टर दुर्घटनामा परेको हो ।
सुरक्षा पन्तका कुरा त्यस्तै हुन्, हृदयेन्द्र शाहको भाग्यमा छ राजयोगः यस्तो छ कुण्डली
आज विश्व प्रेस स्वतन्त्रता दिवस मनाइँदै
नीति तथा कार्यक्रम : बीमाको आर्थिक संकटसँग जुध्ने प्रयास
पोखरीमा एउटा बालक तैरिरहेको देखेर गाउँलेले निकाल्दा अर्का पनि भेटिए, दुवै जनाको डुबेर मृत्यु
स्थानीय, पश्चिमी र बङ्गालबाट भित्रिएको जलवाष्पयुक्त वायुको प्रभाव : आज यी प्रदेशमा हुनेछ वर्षा
खुले सामुदायिक विद्यालय, भर्ना अभियान र पठनपाठन सुरु
यी हुन् सरकारको नीति तथा कार्यक्रममा परेका महत्वपूर्ण विषयहरू