काठमाडौँ– हाल देशमा मनसुनी वायुको साथै भारतको उत्तर प्रदेश आसपास रहेको न्यून चापिय प्रणालीको पनि प्रभाव रहेको छ।
जल तथा मौसम विज्ञान विभाग, मौसम पूर्वानुमान महाशाखाका अनुसार हाल पछिल्लो १ घण्टामा गण्डकी र लुम्बिनी प्रदेशका थोरै स्थानहरूमा मेघ–गर्जनका साथ भारी वर्षा भईरहेको छ ।
देशभर केही स्थानहरुमा मेघ–गर्जन चट्याङ्गसहित हल्का देखि मध्यम वर्षाको सम्भावना रहेको छ । मनसुन सक्रिय रहेको गण्डकी र लुम्बिनी प्रदेशका प्रदेशका एक–दुई स्थानमा भारी वर्षा र मेघ–गर्जन चट्याङ्गका कारणले हुन सक्ने बाढी, पहिरो, डुबान, भू–क्षय तथा गेग्रान बहावका कारण हुन सक्ने जोखिम वा क्षतिबाट बच्न आवश्यक सतर्कता अपनाउन हुन महाशाखाले अनुरोध गरेको छ ।
साथै, सडक तथा हवाई यातायात, कृषी, पर्यटन लगायतका क्षेत्रहरु प्रभावित हुन सक्ने देखिन्छ।
पछिल्लो १ घण्टामा गण्डकी प्रदेश र लुम्बिनी प्रदेशका थोरै स्थानहरूमा हल्का देखि मध्यम वर्षा भईरहेको छ। भारी वर्षा र मेघ-गर्जन/चट्याङ्गका कारण हुन सक्ने जोखिम वा क्षतिबाट बच्न आवश्यक सतर्कता अपनाउन हुन अनुरोध छ। मनसुन सक्रिय रहेकोले सजक रहौं। सचेत बनौं।@NDRRMA_Nepal @NEOCOfficial pic.twitter.com/UU0JZsBEfi
— Nepal Weather Forecast (@DHM_Weather) June 24, 2023
