तस्बिरमा बाढीको ताण्डव
काठमाडौँ– लगातारको वर्षापछि आएको बाढी, पहिरोलगायत विपद्जन्य घटनाले पूर्वी नेपालका विभिन्न जिल्ला प्रभावित भएको छ । त्यस क्षेत्रमा ठूलो मानवीय क्षति हुने गरी विपद्जन्य घटना भएको प्रहरी प्रधान कार्यालयले जनाएको छ ।
नेपाल प्रहरीका केन्द्रीय प्रवक्ता प्रहरी नायब महानिरीक्षक कुबेर कडायतले आज साँझ दिएको जानकारीअनुसार अहिलेसम्म पाँचथर, सङ्खुवासभा, ताप्लेजुङ्लगायत जिल्लामा मात्रै विपद्जन्य घटनामा परेर चार जनाको मृत्यु भएको छ । ती घटनामा अन्य २८ जना बेपत्ता रहेका छन् । बेपत्ताहरुको खोजी जारी रहेको उनले बताए । अन्य तीन जनाको भने उद्धार गरिएको छ ।
हेर्नुहोस् तस्बिरमा बाढीको ताण्डव
अविरल वर्षासँगै आएको बाढीले बगाएको मेची राजमार्गअन्तर्गत हेवा खोलाको पुल । बाढीले पुल बगाएपछि राजमार्ग पूर्णरुपमा ठप्प भएको छ । तस्बिर : रवीन्द्र काफ्ले/रासस
सङ्खुवासभाको चैनपुर र पाँचखपन नगरपालिकाको सिमाना भई बग्ने हेवा खोलामा शनिबार राती आएको भीषण बाढीले चैनपुर बारबिसे सडक खण्डअन्तर्गत दोभानेको मोटरेबल पुलसहित आसपासका बस्तीमा पुर्याएको क्षति । तस्बिर : सुजन बज्राचार्य/रासस
सङ्खुवासभाको चैनपुर र पाँचखपन नगरपालिकाको सिमाना भई बग्ने हेवा खोलामा गएराति आएको बाढीले जोखिममा परेको बस्ती । तस्बिर : सुजन बज्राचार्य /रासस
सङ्खुवासभाको चैनपुर र पाँचखपन नगरपालिकाको सिमाना भई बग्ने हेवा खोलामा गएराति आएको बाढीले जोखिममा परेको बस्ती । तस्बिर : सुजन बज्राचार्य /रासस
गएराति वर्षासँग मैवाखोलामा आएको बाढीले क्षति पुर्याएको दोभान बजारस्थित आठराई त्रिवेणी गाउँपालिका जोड्ने सडक । तस्बिर : सन्तोष पुर्कुटी/रासस
हेंवा खोलामा गयराती आएको बाढीले खोला नजिकै रहेको आफ्नो घर बगाएपछि आइतबार बालबच्चाका साथमा दु:खी मुद्रामा बसेकी फिदिम नगरपालिका–४ का रिता कटवाल । बाढीले कटवालको दुई तले घर बगाएपछि परिवार घरवारविहीन भएको छ । तस्बिरः रवीन्द्र काफ्लेररासस
सङ्खुवासभाको खाँदबारी नगरपालिका –९ स्थित सभाखोलामा गएराति आएको बाढीले बगाएर ल्याएको ट्रक । तस्बिर : भविन कार्की/रासस
सङ्खुवासभाको हेवा खोलामा गएराति आएको भिषण बाढीले चैनपुर नगरपालिका– ४ मैदाने र पाचखपन नगरपालिका– ९ चौरीखर्क जोडेको मछेबुङ्गको झोलुङेपुलमा पुर्याएको क्षति । तस्बिर : सुजन बज्राचार्य/रासस
सङ्खुवासभाको हेवा खोलामा गएराति आएको भिषण बाढीले चैनपुर नगरपालिका– ४ मैदाने र पाचखपन नगरपालिका– ९ चौरीखर्क जोडेको मछेबुङ्गको झोलुङेपुलमा पुर्याएको क्षति । तस्बिर : सुजन बज्राचार्य/रासस
पहाडी जिल्लामा वर्षासँगै आएको बाढीमा सप्तकोशी नदीमा बगेर आएको काठ, दाउरा पुल क्षेत्रबाट जोखिम मोलेर झिकेपछि आइतबार घरतर्फ लाँदै स्थानीय । तस्बिर : अजितकुमार झा/रासस
बाढीले बगाएको मेची राजमार्गअन्तर्गत पाँचथरको फिदिम नगरपालिका र हिलिहाङ गाउँपालिका जोड्ने हेंवा खोला पुल । बाढीले यो पुल बगाएपछि मेची राजमार्गको फिदिम–ताप्लेजुङ खण्ड अवरुद्ध बनेको छ । तस्बिरः रवीन्द्र काफ्ले/रासस
प्रकाशित मिति: आइतबार, असार ३, २०८० २०:३६
प्रतिक्रिया दिनुहोस्
