काठमाडौँ– प्रशासनले विराटनगरमा आजदेखि अनिश्चितकालीन निषेधाज्ञा जारी भएको छ ।
जिल्ला प्रशासन कार्यालय मोरङले आज बिहानैदेखि अनिश्चितकालका लागि निशेधाज्ञा जारी गरेको हो ।
विराटनगरमा कोसी प्रदेश नामकरणपछि त्यसको विरोधमा पहिचानवादीहरूले आन्दोलन गर्दै आएका छन् । त्यो आन्दोलन हिंसात्मकसमेत हुने गरेको छ । आन्दोलनकारीले प्रहरीमाथि आक्रमण गर्ने क्रममा एक युवाको मृत्यु भइसककेो छ ।
सुरु गरेको आन्दोलनलाई मत्थर बनाउन जिल्ला प्रशासन कार्यालयले विराटनगर बजार क्षेत्रमा निषेधाज्ञा जारी गरेको हो । त्यसले पनि आन्दोलन नरोकिएपछि अनिश्चितकालीन निषेधाज्ञा जारी गरिएको हो ।
प्रशासनले आज एक विज्ञप्ति जारी गर्दै प्रदेशसभा पूर्वमा देवकोटा चोकदेखि पश्चिम कोशी अस्पतालसम्म र मुख्यमन्त्री तथा मन्त्रिपरिषद्को कार्यालय रोड शेष चोकदेखि दक्षिण जतुवा चोकसम्म निषेधाज्ञा जारी गरेको छ ।
यस्तै, मुख्यमन्त्री निवास वरपरको ३०० मिटरसम्म र जिल्ला प्रशासन कार्यालय मोरङको डाँफे चोकदेखि पूर्वको क्षेत्रसम्म निषेध गरिएको छ ।
निषेधाज्ञा उल्लङ्घन गरिए कारबाही गरिने चेतावनी पनि प्रशासनले दिएको छ ।
हेरौँ विज्ञप्ति :
