काठमाडौँ– साविक विजेता गुजरात टाइटन्स भारतमा जारी १६ औँ संस्करणको इन्डियन प्रिमियर लिग (आइपिएल) क्रिकेटको प्ले अफमा पुग्ने पहिलो टोली बनेको छ ।

गएराति सनराइजर्स हैदराबादलाई ३४ रनले पराजित गर्दै आइपिएल २०२३ मा प्ले अफमा पुग्ने पहिलो टोली बनेको हो ।

शुभमन गिलको पहिलो शतकीय पारीले गुजरातलाई १ खेलअगावै अन्तिम ४ मा पुर्याएको हो ।

१३ खेलबाट १८ अंक जोडेको गुजरात शीर्ष स्थानमा छ । गुजरातले शीर्ष दुईमा रहने पक्का छ र यसो भएमा सिधै क्वालिफायर खेल्नेछ । उक्त खेल जितेमा गुजरात सिधै फाइनल पुग्नेछ । गुजरातले अब लिगमा बेंगलोरसँग खेल्न बाँकी छ ।

आठौं हार बेहोरेको हैदराबाद भने लिग चरणबाटै बाहिरिएको छ । उ बाहिरिने दोस्रो टिम बनेको हो । यसअघि नै दिल्ली क्यापिटल्स लिगबाट बाहिरिसकेको छ ।

घरेलु मैदान नरेन्द्र मोदी रंगशालामाा टस हारेर पहिले ब्याटिङ गरेको गुजरातले गिलको सानदार शतकमा ९ विकेट गुमाएर १८८ रन बनाएको थियो । 

गिलले ५८ बल खेल्दै १३ चौका र १ छक्का मद्दतमा १०१ रन बनाए ।