काठमाडौं–नक्कली भुटानी शरणार्थी प्रकरणमा पक्राउ परेका नेपाली कांग्रेसका नेता तथा पूर्वगृहमन्त्री बालकृष्ण खाँण पार्टीबाट निलम्बन गर्न नेवि संघले माग गरेको छ । त्रिचन्द्र क्याम्पसका कार्यकर्ताहरूले काठमाडौंमा आइतबार प्रदर्शन गर्दै खाँणलाई निलम्बन गर्न माग गरेका हुन् ।

उनीहरूले नेविसंघको झण्डासहित प्रतिकात्मक रुपमा कागजको हत्कडी र कैदीबन्दीले लगाउने पोशाक समेत प्रदर्शन गरेका छन् ।

नेपालीलाई नक्कली शरणार्थी बनाएर अमेरिका पठाउने गिरोहसँग रकम लेनदेन गरेको आरोपमा प्रहरीले खाँणलाई पक्राउ गरेको छ ।

यही प्रकरणमा नेकपा एमालेका सचिव एवम् पूर्वउपप्रधानमन्त्री टोपबहादुर रायमाझीविरुद्ध प्रहरीले पक्राउ पुर्जी जारी गरेको छ । तर रायमाझी फरार छन् ।

‘भ्रष्टाचार जो होस् तर सजाय होस्’, आफ्नै पार्टी नेता किन नहोस् तर सजाय होस् र भ्रष्टाचार अन्त्य होस्’ ‘एक, दुई, तीन, चार, भ्रष्टचाीलाई कारागार, न नाता न नेता भ्रष्टाचारीलाई कठघरा’ ‘क बाट कछुवा ख खरायो, टोप बहादुर कहाँ हरायो?’ लगायतका नारासहित प्लेकार्ड बाकेर प्रदर्शन गरिएको हो ।